Fullhouse Signature (已結業)

開業不久既一間餐廳，好多人一定俾佢門口既佈置擺設吸引。D卡通感覺俾人好幸福，有架粉紅色mini載住d蛋糕同甜品。仲有個公仔拎住個ipad menu，好modern喎法式焦糖燉蛋，蛋底做得唔錯，夠Creamy同滑，但覺得個焦糖太厚同硬。上面有士多啤莉同藍莓幾fresh配呢個甜既蛋底夾既。雪糕忌廉泡芺PUFF唔係外脆內軟既，個外層稔曬....入面個雪糕溶得好快，所以變到更稔同好汪汪，香蕉船配三色雪糕個三球雪糕有vanilla, chocolate and strawberry，食落似係dryers既。碟上其餘既野食不提也罷。另外有樣好想講，由於我地差唔多成10個人，所以入座時要分開兩張桌坐住先，要有位成坐番埋一齊，但其實好想講係我地本身張桌子都有好多位，可以拍埋隔離個張桌子過黎，但店員好萌塞，點都唔肯。我明白店有店規，最唔滿意係D店員既服務同態度!!!!!!!!只係得個個經理？稍為好.....環境係好靚，但服務同食物都好緊要架，所以正一「金玉其外，敗絮其中」。