金竹苑中菜廳 (已結業)

聽朋友講，呢間食中菜好好食，一於去試下。一入去已經到見好多明星...相係左手邊，睇黎係度食飯都會撞到好多明星😛😛我同朋友兩個人食飯，叫左三個菜。避風塘瀨尿蝦 睇落好似係一整隻瀨尿蝦，夾起黎先知係已經炸好左一塊塊，好似一件件麥樂雞。咬落去，好明顯地蝦肉無被炸粉癡實，仲好juicy!! 超中意食呢碟！水準比得上好多出名既酒店。天婦羅元貝賣相好特別，而且元貝既size好大粒，粉好薄，炸到脆卜卜。開頭以為炸元貝應該會炸到無哂汁，好彩元貝本身好新鮮，所以都係好好食。仲有個魚煲都大讚，平時既我唔太中意食魚。估唔到佢徵服左我！因為魚啖啖肉之餘，非常入味，好似食緊軟淋淋既棉花糖咁！我地兩個人竟然食哂呢個魚煲。