影片
更多
2009-03-29
2 瀏覽
今日同媽咪出開鰂魚涌，食飯時間係媽咪十分堅持返黎encore，好!我都好聽話既~ 三點去到，唔洗排隊汲取上次教訓，今次唔敢叫兩個set...因為一定食唔哂，於是叫返炸雞扒飯+冷喬麥麵餐($70)同豆腐小魚沙律($40) 叫炸雞扒飯+冷喬麥麵餐係因為媽咪想食d菜絲，我又想試喬麥麵，呢個係最好既選擇，不過盒裝烏冬/喬麥麵散叫都係$25~可以接受啦 一坐底就有玄米茶飲，好香玄米味，我飲左好多杯呀~ 點完餐就等食啦~呢個時候驚喜黎啦!原來呢個時間叫set係有餐飲同雪糕送架~之前都冇聽過，個姐姐一口氣話：奶茶咖啡檸茶檸水汽水任揀~個感覺十分茶餐廳，而我又神推鬼own係日本餐廳叫左凍奶茶...... 等左一陣凍奶茶先上，果然色水好淡，味道都好淡，飲左兩啖既結論係用玄米茶沖既......健康d掛...不過冇左港式既香濃幼滑... 之後喬麥麵先上~同上次一樣，d麵、杯同冷麵汁都係雪凍左既，不過d喬麥麵冇烏冬咁好食......太硬而冇彈性，水準都合格既 再黎係媽咪既炸雞扒飯，雞扒即炸既~食既時候出煙覺得今次進步左，個粉漿冇散開~但係個點雞既醤真係好咸好濃，改良一下會更好!菜絲同白飯都好正~珍珠米好好咬
三點去到，唔洗排隊汲取上次教訓，今次唔敢叫兩個set...因為一定食唔哂，於是叫返炸雞扒飯+冷喬麥麵餐($70)同豆腐小魚沙律($40)
叫炸雞扒飯+冷喬麥麵餐係因為媽咪想食d菜絲，我又想試喬麥麵，呢個係最好既選擇，不過盒裝烏冬/喬麥麵散叫都係$25~可以接受啦
一坐底就有玄米茶飲，好香玄米味，我飲左好多杯呀~
點完餐就等食啦~呢個時候驚喜黎啦!原來呢個時間叫set係有餐飲同雪糕送架~之前都冇聽過，個姐姐一口氣話：奶茶咖啡檸茶檸水汽水任揀~個感覺十分茶餐廳，而我又神推鬼own係日本餐廳叫左凍奶茶......
等左一陣凍奶茶先上，果然色水好淡，味道都好淡，飲左兩啖既結論係用玄米茶沖既......健康d掛...不過冇左港式既香濃幼滑...
之後喬麥麵先上~同上次一樣，d麵、杯同冷麵汁都係雪凍左既，不過d喬麥麵冇烏冬咁好食......太硬而冇彈性，水準都合格既
再黎係媽咪既炸雞扒飯，雞扒即炸既~食既時候出煙覺得今次進步左，個粉漿冇散開~但係個點雞既醤真係好咸好濃，改良一下會更好!菜絲同白飯都好正~珍珠米好好咬
到我既豆腐小魚沙律，四十蚊黎講分量唔算細，d豆腐好似豆腐花咁一片片舖o係面~仲有好多海帶、生菜，芝麻同魚仔~加埋個醋汁好好食呀! d豆腐同自己買o個d真係有d分別，涼浸浸滑落喉嚨既感覺好正!食食下先知個底都有炸雞飯既菜絲，媽咪搶埋黎食呀
最後就食埋雪糕，有咖啡、朱古力同鹽味，當然要最特別既鹽味啦~雖然係贈品，但係賣相一d都唔馬虎，用隻木匙仔刮下刮下d雪糕好得意~味道真係有少少咸，質感唔係太重奶味，似以前meiji既豆腐雪糕，見menu上面佢地雲喱拿同抹茶雪糕係自家製同埋$7咋，唔知呢個係咪都係自己整既呢?
埋單加一都係$121，但係我地都好飽啦~今日冇咩人可以慢慢坐，但好奇怪成餐飯都有蚊滋飛黎飛去...好煩呀佢...
雖然好多餐廳都因為金融海嘯而減價/送野...今次呢個我都估佢唔到.......希望d餐廳做得住啦...
張貼
