金記客棧 (已結業)

星期六日想睇戲，數碼港仍是不錯選擇。睇完戲，食埋飯，又唔需要出市區同人迫，真係自在些!避風塘油鹽水大蜆$88 大蜆大大隻，份量都好多。蜆肉肥美、無沙。雖然以鹽水煮，咸度適中。底下粉絲爽身彈牙，食埋都唔駛叫飯吃。燒鴨 (例)$88 金記燒味其實不錯的。例牌其實都夠3-4人食。燒鴨大件、暖身、肉味濃又不會太乾。法蘭西多士 $30 即炸的法蘭西多士， 我喜歡切大大塊。炸得透所以外皮比較脆。加埋牛油、糖漿塞滿個口，perfect match 令當下忘記Calorie，好滿足!薑檸檬可樂(熱)$18  滾熱可樂有埋檸檬同濃薑味，我認為值得推介。滾水雞蛋(和尚跳海) $16少數提供滾水雞蛋的店，混了水後可加糖或鹽。腸胃受得的可以一試。飲落是清淡又感絲絲蛋白般的感覺。