星巴克咖啡 (已結業)

少少夜，未食嘢，叫咗個最大嘅沙律同埋一杯芒果熱情果🍹。好多位，但係梳化都線係畀人坐哂。諗住人唔多，應該坐得好舒服，點不知有枱人6個人，大聲講大聲笑，都幾騷擾，好在有帶耳筒聽嘢隔聲。杯嘢飲唔太甜，熱情果味夠出，芒果味爭啲，整體都好好飲。一開始食沙律，就先食大啡菇，菇味幾濃幾香，都幾多，又唔細粒，好正👍。跟住試吓印度香料雞肉。雞肉算嫩，唔鞋，盒裝沙律嚟講，好有水準，香料係孜然同埋有少少辣嘅，好滋味，簡直一流😍。其他配菜都好新鮮，沙律菜係爽口嘅，加上黑醋，食得好開心😃。