魚吧

營業中

休息中

今日係慶祝個仔完成咗暑期實習同份功課，都順便慶祝埋我停工四個月，重新投入工作，所以就揀咗來魚吧食 當來到接待，我哋雖然有訂枱，都只有太陽傘既枱。當日天氣又唔算好熱，所以都冇所謂啦！坐低，就先叫兩杯白酒，同埋叫個Signature dish Seafoods Tower。兩杯酒，當然上枱先，第一個驚冇喜出現咗，兩隻杯竟然係纖維造，即係塑膠，mood都跌咗1/3。Seafoods Tower跟著都好快到，頂層係幾隻蠔，食落只係好普通，完全冇驚喜，感覺自助餐食個啲蠔。中層，波士頓龍蝦、長腳蟹，長腳蟹水準都係一般，而龍蝦經過食完以上兩個，就相對性好少少，似返啲樣，味道鮮甜。底層係青口、凍蝦、蜆，三款都係自助餐水平。呢個Tower要10××，白酒要$150一杯。跟著，我同個仔再加碼，一人叫個龍蝦意粉，呢個就真係正常餐廳水平，龍蝦、醬汁、配菜都有水準。呢個主食，係最抵，因為我係某個會藉，買一送一，否則兩個主食加埋要8××啦！Soho個邊大把餐廳都有水準過呢度。還有，有份麵包擺上枱，有牛油跟，但冇牛油刀，我哋要用餐刀搽。