新沙洞大排檔 (好順景大廈1座) (已結業)

聲稱韓國嘢，無一樣還原到韓國啲嘢食，老實講俾盡你係自創派系！真心唔明啲好評點返黎，掉咗幾錢做宣傳。貴得嚟好食都心甘命底，想生存不如俾啲心機落啲菜式，如果有人真係要黎食，100個勸喻你食返M記。唔好再睇啲所謂好評，永世Black List!!!!!!呀老闆你自己有無食過你鋪頭啲嘢架？黑毛豬又靭，5粒，$198（重要話係濟洲黑毛豬，我都唔評價堅定流）甜辣炸雞，半份，算大粒既算合理$88（港式甜醬冰鮮雞）泡菜豬肉豆腐湯，$118，唔講唔知我以為豆腐而家係賣緊海鮮價，手指尾指甲半截都無，數埋都無十粒呀！海鮮煎餅$108，真係要重點講，全餐最谷氣，你炸油池都拎過黎擺既？你翻炸都炸返熱俾我啦，都唔求你多海鮮，一粒仔八爪魚既辣豬肉紫菜包飯$118 ，嘩，我地食哂先黎，韓國既紫菜包飯真係舊飯真係係白飯？你肯定？我真係唔知食咗啲咩落肚，你地好成功破壞咗人類對韓國野食既認知。