金鶴拉麵 (和富道) (已結業)

金鶴拉麵喺屋企附近，但都無試過叫晚餐， 可能係午餐已食麵，晚餐就唔再食麵啦， 又因為二公子愛食麵，所以晚餐就自動放棄， 但原來金鶴拉麵係有飯食架，今次叫左2客飯， 1客拉麵，1客日式餃子。 分別係: 日式吉烈豬扒配黑豚肉碎飯， 唐揚炸雞配黑豚肉碎飯， 白湯拉麵，日式餃子。日式吉烈豬扒配黑豚肉碎飯，吉烈炸得好脆，味道香濃，肉質彈牙，另外黑豚肉碎先精彩，好似吞拿魚醬，唐揚炸雞亦炸得剛剛好， 雞肉重有肉汁添白湯拉麵係皇牌，點會差呢， 個湯真係好飲， 如果可以比一碗我， 我真係可以當湯飲， 拉麵爽口彈牙，雞肉望落好似好實，但嫩滑好淋，餃子就正正常常，總體係無得輸。