Exotica Gelatea (已結業)

銅鑼灣鬧市中嘅古典風漢堡包店,呢間漢堡包店細細間,隱藏係一條街嘅邊邊,完全唔起眼,不過都好容易搵到,其實就係喺時代廣場後面🙈《Cauldron Burger $119》呢個古代漢堡係佢哋嘅招牌之一,除咗牛肉之外仲加咗青醬芝士,一上枱嗰陣真係非常之吸睛,直程係打開俾你睇,打卡一流😂調味方面唔會話太過濃味,記得帶濕紙巾🤣因為我哋食嗰陣啲肉汁爆曬出嚟,食到成手都係🙈個人覺得如果芝士可以有啲熱溶嘅效果會仲正啲!《Wagyu Burger $119》我哋比較鍾意呢個和牛漢堡多啲,明顯牛肉味比較濃,和牛真係唔同啲😂不過呢個食落就冇頭先嗰個咁有特色,相對上會普通少少!《Blackcurrant Mango Drink +$35》另外叫左杯飲品,雖然話係黑加倫子芒果,不過偏重黑加侖子味,芒果味唔多覺,都唔算太甜,還好🤭值得一讚嘅係呢間嘅漢堡包好鬆軟,食落好軟熟,食完都唔會話好頂胃👍🏻見呢間漢堡包店都有好多雪糕選擇,好似都係佢哋嘅招牌之一,大家有機會都可以試吓🤭Exotica Gelatea銅鑼灣霎東街49號地舖[⭐️5分為滿分]味道⭐️⭐️⭐️環境⭐️⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️