影片
更多
2020-10-21
1038 瀏覽
🌸#girlsfoodies銅鑼灣#girlsfoodies西式 🌸【💛 #GF_List 】🉑：訂座折扣⭐評分: 8.5/10———————————————生日要食好啲！早排就去咗喺銅鑼灣嘅法國菜黃店🤤服務一流，嘢食水準都唔錯，訂座知我哋生日仲送咗即影即有同甜品畫字，好細心💛——————————————————
▪️5 course dinner set (燴澳洲和牛面頰) $758▪️5 course dinner set (慢煮法國羊架) $788成餐飯食咗3個幾鐘😹目測幾乎都唔會有翻枱，每晚淨係做到一輪客，以餐廳營運角度嚟計，其實都價錢唔係訂得好高了。嗜包之人表示十分欣賞佢嘅餐包。三款口味分別為墨汁包、香草包同芝士脆脆。麵包醬全自製有兩款，橙色嘅辣肉腸醬相當惹味，香草茄子醬dap到有香料氣味，但茄子味就唔係幾覺，可能純粹攞個質感。麵包同樣出色，充滿麵粉香，烘得香脆但唔會硬到介牙肉，配抹醬好夾。芝士脆脆鹹鹹哋，朋友最愛呢個，我自己就鐘意有口感的香草包多啲。Starters ：慢煮三文魚，入口魚肉細膩到完全唔洗咬，隱約有煙熏香氣，上面有青瓜泡泡，覺得有浸草青感覺，唔係幾吊得
【💛 #GF_List 】
🉑：訂座折扣
⭐評分: 8.5/10
———————————————
生日要食好啲！早排就去咗喺銅鑼灣嘅法國菜黃店🤤服務一流，嘢食水準都唔錯，訂座知我哋生日仲送咗即影即有同甜品畫字，好細心💛
——————————————————
▪️5 course dinner set (燴澳洲和牛面頰) $758
▪️5 course dinner set (慢煮法國羊架) $788
成餐飯食咗3個幾鐘😹目測幾乎都唔會有翻枱，每晚淨係做到一輪客，以餐廳營運角度嚟計，其實都價錢唔係訂得好高了。
嗜包之人表示十分欣賞佢嘅餐包。
三款口味分別為墨汁包、香草包同芝士脆脆。麵包醬全自製有兩款，橙色嘅辣肉腸醬相當惹味，香草茄子醬dap到有香料氣味，但茄子味就唔係幾覺，可能純粹攞個質感。
麵包同樣出色，充滿麵粉香，烘得香脆但唔會硬到介牙肉，配抹醬好夾。芝士脆脆鹹鹹哋，朋友最愛呢個，我自己就鐘意有口感的香草包多啲。Starters ：慢煮三文魚，入口魚肉細膩到完全唔洗咬，隱約有煙熏香氣，上面有青瓜泡泡，覺得有浸草青感覺，唔係幾吊得出魚嘅鮮味😣反而一旁嘅芒果魚子同三文魚子，酸酸甜甜／鹹鮮滋味同魚肉有火花👍🏻
法式油封鴨腿塔比三文魚出色，最上層牛油果粒綿香、鴨脾肉鮮嫩、高湯啫喱有點似平日食鎮江肴肉嘅水晶啫喱，令成個配搭更融為一體🤤驚喜位係中間夾雜咗青蘋果，爽脆嘅口感中和鴨脾嘅油膩，最下層的藜麥存在感不高。
湯：侍應先以只盛載湯料嘅湯碟上菜，再係客人面前以茶壺般嘅器皿注入濃湯。法式海龍皇湯有蝦、蜆、青口、魷魚同鱈魚五種海鮮。望六鮮橙色猶如龍蝦湯，不過呢個版本無加入忌廉，反而係比較稀的感覺，但會飲到一粒粒碎咗嘅海鮮。幾欣賞呢個做法，飲到海鮮嘅鮮味又唔洗咁飽滯😋
蘑菇清雞湯就普通咗啲，飲落先有平日老火雞湯個種味道，飲多幾啖會覺得喉嚨開始有點封喉，好似有啲嘢卡喺喉嚨頂，斷估雞湯都係真材實料去煲，非常滋補。個湯特別嘅位竟然係兩粒小雲吞，以巴馬臣火腿做餡，突出的鹹香為平淡的雞湯帶來驚喜💛
Entrees係鵝肝同蟹肉千層酥。鵝肝勁厚身好大塊，基本上係平時食嘅一倍Size，煎得啱啱好，入口油脂化開，不過略嫌有啲漏。好彩下面墊咗菠蘿解膩。
蟹肉千層酥超級脆，一咬落去酥皮好似薯片咁，入面嘅蟹肉撈咗芝士同咖哩，成個口感外脆內嫩好正。喺底仲墊咗啲芒果莎莎，一啖惹味一啖甜甜酸酸，呢個好好食😭
上maincourse前會送上番石榴雪芭，可以清下味蕾再食。
Maincourse分別係慢煮法國羊架同燴澳洲和牛面頰，前者熟度剛好而唔會過肥，連旁邊嘅蒜頭都好好食😂後者雖係全熟，但煮得非常軟稔，好似炆牛腩咁一咬就開，同紅酒醬好夾。下面墊咗啲菇醬，但覺得唔算好夾。
講埋最窩心嗰part🤤：甜品！上甜品前會有兩杯熱玫瑰花茶，有靚靚畫字嘅個份，最底層係朱古力蛋糕、上面有脆脆、芝麻雪糕同酥皮。個脆脆撈埋黏糯如gelato 嘅芝麻雪糕，有口感又唔會過份甜滯。底下朱古力蛋糕應該係想平衡吓甜膩感，但係蛋糕質地較粗糙、亦較甜，個人覺得不加都可以。
另外一份係Baileys朱古力雪糕。仲有一碟甜點，包括：馬卡龍、榛子朱古力、蝴蝶酥同。呢碟整體比較甜，食到最尾都無乜意欲食，勉強餸花茶都可以，我見好幾枱客都食剩呢碟。
店員仲幫我哋影即影即有😆 好貼心又有禮貌，大家節慶要慶祝，不如都支持黃店😚！
✨ E Molto Buono✨
📍 銅鑼灣必發商業大廈2樓
⏰ 1900－2345
張貼
