JK Kitchen (已結業)

今早去銅鑼灣做完嘢，打電話問老公乎近有乜好嘢食，佢叫我去登龍街揾揾，登龍街對我嚟講好陌生，被佢指道下，原來係向時代廣場乎近，夾向軒尼詩道及羅素街中間，一轉入去原來呢條以往唔起眼嘅小街道，已轉變成為食街，左右兩邊好多餐廳食肆，亦有好多樓上餐室，我揀左呢間上樓嘅JK kitchen ，因為我希望揾間好似私房菜咁，唔係大量生產食物嘅餐廳，踏入去見裝修用藍白黃為主，有歐洲家嘅感覺，時間尚早，看似啱啱開門，客人未多，啱哂我可以向繁忙嘅午市前，靜靜坐低整理我今早所做嘅事；我叫左越式大蝦柚子沙律，柚子好多好甜，一碟沙律有成六隻煎得好香嘅蝦，而且夠大碟👍🏼再來個越式米紙卷，去親食越南菜，我基本上都會叫呢味前菜，呢度同我平時食有D唔同，香口好多，拆解睇睇，原來有蝦、香葉、米粉、花生及一片我諗係豬頸肉，咁多料放埋一齊，唔怪得咁香👍🏼👍🏼