影片
更多
2018-06-12
319 瀏覽
意式餐廳「PAPI」原本在圓方商場和灣仔有兩間分店，口碑一向唔錯，可惜一直騰不出時間到訪，後來兩間店舖亦相繼結業。最近從友人處得知，餐廳捲土重來，並且以全身姿態進駐銅鑼灣，所以趁這天來附近購物，就順道過嚟嘆番餐意大利菜。餐廳位於銅鑼灣加寧街 8 號 Fashion Walk，新店佔地兩層，全場約有四千多呎，門面光亮悦目，以搶眼嘅純白色為主調，配上門外的茶座式設計，洋溢著一片地中海風情。踏進內，環境寬敞闊落，設計既 Stylish 又不失格調，用上雲石桌配不同色彩嘅座椅，牆身有多幅充滿玩味的掛畫，加上耀眼的燈飾，裝潢令人耳目一新。餐牌一張過，分為底面兩頁，逐一細看，項目包括有小碟及頭盤、湯及沙律、主菜、意大利薄餅、配菜、意大利粉及意大利飯和甜品等。兩個人食量不大，加上首次到訪，就一於小試牛刀，揀兩款小吃同一客意大利飯試試。點完餐後，店員隨即為我倆送上一碟薄脆，拿起一片上手，非常輕身，面頭灑滿羅勒醬和橄欖油。嘗一口，食落卜卜脆，帶羅勒嘅氣味，既清香又濃郁，吃罷還有一陣回甘在兩頰間徘徊。接著輪到品嘗兩款「小碟」，先吃這款 Garlic Prawns with Extra Virgin Oli
意式餐廳「PAPI」原本在圓方商場和灣仔有兩間分店，口碑一向唔錯，可惜一直騰不出時間到訪，後來兩間店舖亦相繼結業。最近從友人處得知，餐廳捲土重來，並且以全身姿態進駐銅鑼灣，所以趁這天來附近購物，就順道過嚟嘆番餐意大利菜。
餐廳位於銅鑼灣加寧街 8 號 Fashion Walk，新店佔地兩層，全場約有四千多呎，門面光亮悦目，以搶眼嘅純白色為主調，配上門外的茶座式設計，洋溢著一片地中海風情。踏進內，環境寬敞闊落，設計既 Stylish 又不失格調，用上雲石桌配不同色彩嘅座椅，牆身有多幅充滿玩味的掛畫，加上耀眼的燈飾，裝潢令人耳目一新。
餐牌一張過，分為底面兩頁，逐一細看，項目包括有小碟及頭盤、湯及沙律、主菜、意大利薄餅、配菜、意大利粉及意大利飯和甜品等。兩個人食量不大，加上首次到訪，就一於小試牛刀，揀兩款小吃同一客意大利飯試試。
點完餐後，店員隨即為我倆送上一碟薄脆，拿起一片上手，非常輕身，面頭灑滿羅勒醬和橄欖油。嘗一口，食落卜卜脆，帶羅勒嘅氣味，既清香又濃郁，吃罷還有一陣回甘在兩頰間徘徊。
接著輪到品嘗兩款「小碟」，先吃這款 Garlic Prawns with Extra Virgin Olive Oil 初榨橄欖油蒜片燴蝦 ($108)，蒜片蝦用上原隻大蝦同煎香的蒜片和香草一起燴煮，蝦隻肥美肉厚，咬下啖啖肉，爽口彈牙，夾埋蒜片同吃，油汁香濃，非常惹味，送酒一流！
接著是一客 Pork Meat Balls with Fennel Seeds and Tomato Sauce 自家手造豬肉丸配小茴香茄汁 ($88)，肉丸據說在意大利是最尋常不過的食物，家家戶戶的媽媽都會做給孩子吃。至於這裡的肉丸，亦做得很有水準，外形圓渾飽滿，食落不覺鞋，完全沒有豬躁味，入口啖啖肉，而且最抵讚就是肉丸入面加咗甘香嘅巴馬臣芝士，沾上小茴香茄汁吃，味道濃郁又不覺膩。
壓尾這碟是 Risotto with Spanish Saffron, Sea Bass & Mascarpone Cheese 鱸魚意大利飯配西班牙紅花 ($168)，鱸魚切成塊狀，混於意大利飯內，魚皮烤得香脆，魚肉夠厚身，非常嫰滑。意大利飯呈金黃色，入口濕潤，分明有彈性，咬落有「骨心」，無論味覺和口感都一流！原來店名「PAPI」暗藏玄機，是 Pasta 及 Pizza 頭兩個字母的混合體，睇來下次再訪，一定要揀番個自家製意大利麵同薄餅試試。
張貼
