阿來客棧雞煲火鍋 (已結業)

今日同朋友去左銅鑼灣搵食～太耐冇食雞煲，朋友介紹左呢間位於銅鑼灣渣甸街嘅阿來客棧雞煲火鍋！佢哋嘅裝修同環境都好有古代客棧嘅風味，坐位闊落坐得好舒服！🍲🔥佢哋嘅招牌菜係重慶辣雞煲，好似我地唔太食得辣既可以揀另一招牌養顏海底椰子雞湯底。湯底椰子味道非常濃郁，而且湯底十分足料，雞肉亦都係鮮嫩多汁，絕對唔鞋呀！🥥🍗 另外我地都叫左幾樣特色火鍋配料，首先係手打四寶丸，十分彈牙嘅口感，好有嚼勁！仲有新鮮墨魚滑，彈牙鮮甜～蜂巢豆腐好滑嫩，吸哂椰子湯底既味，爆哂汁！最令我驚艷既係即炸魚皮。佢哋用炸蒜配炒，炸到魚皮金黃酥脆，一咬入口，就可以聽到脆脆嘅聲音！建議食之前，最好係浸一浸椰子雞湯，令魚皮更加鮮味🐟除咗食物好味之外，員工們都好友善，而且餐廳嘅環境好舒適，真係一間用心做嘅火鍋店！