影片
更多
2020-07-08
2633 瀏覽
一直以為Fivelements Habitat淨係玩瑜伽/水療，估唔到呢度仲提供埋純素有機膳食料理！🤑早前，同朋友做嘢經過時代廣場，順道就上去，試吓佢哋期間限定嘅純素「5式甜品拼盤」! 呢個系列主打純素，楺合咗唔少東南亞元素，好似材料就用咗香茅、椰子、玉米及大量堅果等熱帶地區產食材；以東南亞常用嘅烹調手法，將食材脫水製作成塔、酥餅等甜品，食上口唔油膩，食物中原有嘅味道會更為突出，整體感覺都得意。橙花焦糖布丁配布列塔尼酥餅🍪呢款甜品係5隻入面，我嘅至愛！布丁較實淨，加咗清新嘅橙花，濃郁嘅焦糖，整體味道幾rich；底層布列塔尼酥餅則好鬆脆，唔算甜，入口即化。上下兩層， 一腍一脆，口感豐富。核桃黑豆朱古力布朗尼🍮師傅處理呢個布朗尼手法幾好，外脆內軟，入面有少少半溶朱古力，質感無得彈！唯獨入面嘅核桃同黑豆，似乎落咗好多鹽去醃，咸味太重。😅草莓白朱古力意式奶凍🍰呢個奶凍質地比一般市出面嘅厚實，唔算甜，味道有啲似杏仁豆腐。至於上面，係切片嘅士多啤梨，味道酸甜，正路味道。天竺葵柑橘玉米蛋糕🎂天竺葵即是舖係蛋糕上嘅種子，香香脆脆蛋糕，蛋糕中嘅柑橘及玉米味意外地夾，都係主打清白，唯質地再鬆軟啲就更佳。柑
5式甜品拼盤
$108
137 瀏覽
1 讚好
0 留言
橙花焦糖布丁配布列塔尼酥餅🍪呢款甜品係5隻入面，我嘅至愛！布丁較實淨，加咗清新嘅橙花，濃郁嘅焦糖，整體味道幾rich；底層布列塔尼酥餅則好鬆脆，唔算甜，入口即化。上下兩層， 一腍一脆，口感豐富。
核桃黑豆朱古力布朗尼🍮
師傅處理呢個布朗尼手法幾好，外脆內軟，入面有少少半溶朱古力，質感無得彈！唯獨入面嘅核桃同黑豆，似乎落咗好多鹽去醃，咸味太重。😅
草莓白朱古力意式奶凍🍰
呢個奶凍質地比一般市出面嘅厚實，唔算甜，味道有啲似杏仁豆腐。至於上面，係切片嘅士多啤梨，味道酸甜，正路味道。
天竺葵柑橘玉米蛋糕🎂
天竺葵即是舖係蛋糕上嘅種子，香香脆脆蛋糕，蛋糕中嘅柑橘及玉米味意外地夾，都係主打清白，唯質地再鬆軟啲就更佳。
柑橘椰子杏仁馬卡龍🍪
是不是所有用杏仁做嘅餅都叫馬卡龍？呢款甜品雖叫馬卡龍，但同平時我哋食開嘅款唔同，感覺用「杏仁撻」形容會比較貼切！😂佢頂層半球係脫水椰子，質地幾硬下，好似印尼椰子餅！入面仲加咗柑橘及香茅，食落口幾清新。
P. S. 整體味道還好，雖講唔上好好味（食肉獸唔慣無肉食），但呢度氣氛一流！一邊聽住柔和嘅音樂，一邊望住銅鑼灣鬧市，感覺好Chill！😌
張貼
