一瀧 (已結業)

0+3今日正式開始，大家返家鄉終於有望喇🥳！阿叔都好有衝動再嚟 #阿叔日本周圍食 ，但家陣啲機票實在太貴，要認真諗諗先🫠。喺仲未飛得嘅情況下，唯有繼續留港食住日本嘢先，今次嚟咗一間高級料理店，呢度面積極大，裝修古式古香，好有日本江戶前時代嘅色彩，佢哋由2位福岡師傅坐鎮，主打一系列福岡傳統鄉土料理，啱晒鍾意食日本菜又鍾意打卡嘅人嚟幫襯！😋 🐟料理長刺身盛 ($500)，以當日時令海鮮整成嘅刺身拼盤，牡丹蝦、池魚、帆立貝、中拖羅同油甘魚各有2片。厚切嘅份量、鮮甜嘅味道，確實係幸福嘅感覺。😚 🍣料理長時令壽司 ($180)，壽司飯上加上吞拿魚蓉、海膽同三文魚籽，最後再以金泊同魚子醬作點綴，賣相精緻矜貴。只要一啖放入口，甜鮮嘅味道就會滿爆成個口腔。😍 🐓三瀨雞全翼一夜干 ($78)，嚟自九州北部，每日限量供應嘅雞全翼，比起平時大家食到嘅雞翼，佢脂肪較少，而且肉質較結實。 🥘A4 宮崎和牛壽喜燒 ($488)，阿叔期待已久嘅主菜，識食一定加多$40叫埋棉花糖🍡！以棉花糖代替加入砂糖，唔單止畫面更治癒，而且味道更濃郁。4大塊嘅A4 宮崎和牛口感幼嫩，肉味濃郁，充滿脂香，嚟到必食！👍🏽👍🏽👍🏽