影片
更多
2021-12-26
4679 瀏覽
日本過江龍「上村牧埸燒肉放題」開到嚟香港時代廣場喇，仲自設牧場飼養薩摩牛，價目方面可選86品$328、137品$378，我就試咗最貴170品$588，除咗主打有多款日本薩摩和牛部位之外，仲有激多款伊比利豚肉、澳洲和牛、美國和牛、五花肉、豚、雞、羊、橫膈膜等不同部位及醃製味道，另有海鮮、沙律、湯、麵、飯、甜品等美食及無酒精飲品放題～我就點咗日本鹿兒島薩摩牛饗宴套餐放題$588，會用QR code 落單以特急車送餐，上菜速度都好快，薩摩和牛質素好好，牛五花脂肪分佈均勻入口即溶，里肌肉及壽喜燒都好正，其他肉類都正常對得住價錢，沙律都有好多款，我鍾情薩摩牛生拌牛肉，牛味好出好濃，入面仲有隻溫泉蛋拌食令肉質更滑身大蝦都好新鮮，燒完都仲爽口彈牙另外牛油扇貝都好食，仲有醬油及蒜蓉提味連壽司以放題嚟講都相當唔錯，海膽三文魚籽同三文魚壽司都好味，仲有帶子都好新鮮甜品都有幾款味泡芙，仲有抹茶餅㗎如果100分鐘改成120分鐘就好了😆因為太多款想試哂～
日本過江龍「上村牧埸燒肉放題」開到嚟香港時代廣場喇，仲自設牧場飼養薩摩牛，價目方面可選86品$328、137品$378，我就試咗最貴170品$588，除咗主打有多款日本薩摩和牛部位之外，仲有激多款伊比利豚肉、澳洲和牛、美國和牛、五花肉、豚、雞、羊、橫膈膜等不同部位及醃製味道，另有海鮮、沙律、湯、麵、飯、甜品等美食及無酒精飲品放題～
我就點咗日本鹿兒島薩摩牛饗宴套餐放題$588，會用QR code 落單以特急車送餐，上菜速度都好快，薩摩和牛質素好好，牛五花脂肪分佈均勻入口即溶，里肌肉及壽喜燒都好正，其他肉類都正常對得住價錢，
沙律都有好多款，我鍾情薩摩牛生拌牛肉，牛味好出好濃，入面仲有隻溫泉蛋拌食令肉質更滑身
大蝦都好新鮮，燒完都仲爽口彈牙
另外牛油扇貝都好食，仲有醬油及蒜蓉提味
連壽司以放題嚟講都相當唔錯，海膽三文魚籽同三文魚壽司都好味，仲有帶子都好新鮮
甜品都有幾款味泡芙，仲有抹茶餅㗎
如果100分鐘改成120分鐘就好了😆因為太多款想試哂～
張貼
