上海綠楊邨酒家 (已結業)

因為預訂的枱給賣掉了，所以敗興而回，無得食。話說，當天我訂了中午12:45pm的二人枱，因為塞車，在12:50pm致電餐廳，告之已on the way，改booking為1:00pm，支客鬆趣地說：「剩係得你未嚟！」。趕到餐廳時，已是1:05pm。支客說無位、要等，我於是問，因為要趕返工，大約要等幾耐，支客答我：「你遲到便要等」。既然犯了錯，惟有等下，結果等到1:20pm都無起色，便只好轉戰快餐，趕住返工。其實再一星期前，已領教過這位支客的厲害，我在約12:00nn時打電話過去，想訂窗口位，支客答我，窗口位要先到先得，我說會在10分鍾內，應該還有窗口位吧，支客說，我們現在已在入客。但當我抵達時，卻發覺店內空無一人。從支客的對答如流，可見她是受過特訓的，well trained to be customer unfriendly。我是這裏的常客，雖然我這次食唔成，讓我以過往數年的經驗，推介這裏做得較好的菜式給大家，包括有葱油餅、生煎包和蟹粉炒年糕，不過這個蟹粉炒年糕都幾貴，要三百幾蚊蝶，portion也小。較差的是窩貼，肉餡太多，炒拉麵也不夠彈牙。醉雞和小籠包都到位。在此，我要告別綠楊邨