影片
更多
2017-12-25
72 瀏覽
去工展會乘機去銅鑼灣食日本野啦，我有朋友介紹去D間勝八居酒屋食，話超好食。之後上網睇下，原來都OK丫，之後我同老婆去試下先。特上刺身盛賣相相當華麗，有加拿大海膽、拖羅、牡丹蝦、油甘魚、帶子、深海池魚及三文魚共7款時令刺身，款款刺身都好大件好厚身。大大隻既牡丹蝦同海膽最正！又嫩滑又鮮甜，回味無窮！油甘魚、拖羅超肥美，入口即融。炸白蝦炸白蝦係香港非常之少見有得食，但勝八就有得食，廚師張白蝦炸得非常脆口，又勁香蝦味，送酒一流。雞胸軟骨唐揚比我想像中好食，雞胸軟骨係三角位既軟骨位置而攞出來炸，炸得好乾身又夠卜卜脆，本人覺得好食過雞軟骨，因為雞胸軟骨唔係好多地方有得食，正。黑松露蝦多士呢個黑松露嘅粉絲一定會中意。最上面有香香既黑松露，中間用咗好多新鮮蝦肉碎，下面係一個脆多士，重點係黑松露既香味不會好勁而搶左蝦肉既鮮甜味，又是我賣飛佛。帶子鵝肝卷第一次食帶子鵝肝卷。鵝肝同帶子原來咁夾，好惹味，連埋壽司飯一齊食，唔會膩，又可帶出帶子既鮮甜味同鵝肝油香既味道。牛腸鍋勁香濃牛味湯底加入左少少麵豉一齊煮，裡面再加入左勁嫰滑牛腸連少量牛肚同略帶煙靭既蒟蒻，一濃一淡，比我想像中好食。海鰻天婦羅海鰻肉質非常有彈
特上刺身盛賣相相當華麗，有加拿大海膽、拖羅、牡丹蝦、油甘魚、帶子、深海池魚及三文魚共7款時令刺身，款款刺身都好大件好厚身。大大隻既牡丹蝦同海膽最正！又嫩滑又鮮甜，回味無窮！油甘魚、拖羅超肥美，入口即融。
炸白蝦炸白蝦係香港非常之少見有得食，但勝八就有得食，廚師張白蝦炸得非常脆口，又勁香蝦味，送酒一流。
雞胸軟骨唐揚比我想像中好食，雞胸軟骨係三角位既軟骨位置而攞出來炸，炸得好乾身又夠卜卜脆，本人覺得好食過雞軟骨，因為雞胸軟骨唔係好多地方有得食，正。
黑松露蝦多士呢個黑松露嘅粉絲一定會中意。最上面有香香既黑松露，中間用咗好多新鮮蝦肉碎，下面係一個脆多士，重點係黑松露既香味不會好勁而搶左蝦肉既鮮甜味，又是我賣飛佛。
帶子鵝肝卷第一次食帶子鵝肝卷。鵝肝同帶子原來咁夾，好惹味，連埋壽司飯一齊食，唔會膩，又可帶出帶子既鮮甜味同鵝肝油香既味道。
牛腸鍋勁香濃牛味湯底加入左少少麵豉一齊煮，裡面再加入左勁嫰滑牛腸連少量牛肚同略帶煙靭既蒟蒻，一濃一淡，比我想像中好食。
海鰻天婦羅海鰻肉質非常有彈性又不會太乾，炸得好乾身又夠卜卜脆。
張貼
