十下火鍋

天氣咁凍最好打邊爐。今次朋友搵左呢間係銅鑼灣上樓的火鍋店，其實好耐之前我地已經好想試，不過個次無訂位所以無檯。今次好彩朋友一早訂左，去到個時其實都全店滿座。佢地請左好多企檯，所以服務效率都幾高，上菜同收野都好快手。食物方面質素好好，尤其是炸響鈴同紫菜響鈴，非常好食。另外我地叫左一碟手切肥牛都好新鮮。湯底我地就揀左花膠雞湯，入面都有好大舊花膠。最後六個人埋單大概四百一個，銅鑼灣黎講質素同價錢都尚算合比例。