影片
更多
2017-08-29
2691 瀏覽
今日同屋企人嚟食海鮮自助晚餐，因為佢話想食自助餐，又要平喎。揀左呢度，香港珀麗酒店2樓，因為五日前預訂，成人$288，長者更只係$188，星期一至日都係呢個價，按返呢個優惠價再加一!! 而最抵既係︰呢度60歲已經當長者計，一般長者優惠定義係65歲嘛，某屋企人啱啱好用到長者價，叫我千祈唔好公開佢身份，巧! 仲有兩小時免費代客泊車，銅鑼灣泊車好貴架!入左酒店大門，按2字樓，一出𨋢，2樓全層就係。服務員確認人名後迅速帶我地入坐，屋企人亦迅速出去搵食，平時又唔見佢動作咁快…… 每位客人送半隻凍波士頓龍蝦配芒果莎莎，龍蝦都算幾大隻，顏色雪白，幾彈牙。芒果莎莎有新鮮蕃茄同芒果肉，酸酸甜甜好開胃。但就冇龍蝦膏!今日刺身有五款，我地只食左三文魚「腩」! 識食，梗係食魚腩位啦，好肥美，魚味濃啲又滑啲。問阿姐可唔可以要兩份三文魚腩(因為屋企人懶得出黎攞)，阿姐都好識做，真係全部都俾晒腩位，仲話俾多啲你囉， 呢度三份，唔夠再攞~~再嚟個熱湯暖吓胃，中西湯各一。中式老火湯今日係粟米紅蘿蔔馬蹄煲豬骨，有半煲都係湯渣，用料十足，我飲左三碗，返到屋企都冇口渴，證明冇落「師傅」，好味!長腳蟹腳都好鮮味，好多人攞，全晚
入左酒店大門，按2字樓，一出𨋢，2樓全層就係。
服務員確認人名後迅速帶我地入坐，屋企人亦迅速出去搵食，平時又唔見佢動作咁快…… 每位客人送半隻凍波士頓龍蝦配芒果莎莎，龍蝦都算幾大隻，顏色雪白，幾彈牙。芒果莎莎有新鮮蕃茄同芒果肉，酸酸甜甜好開胃。
但就冇龍蝦膏!
今日刺身有五款，我地只食左三文魚「腩」! 識食，梗係食魚腩位啦，好肥美，魚味濃啲又滑啲。問阿姐可唔可以要兩份三文魚腩(因為屋企人懶得出黎攞)，阿姐都好識做，真係全部都俾晒腩位，仲話俾多啲你囉， 呢度三份，唔夠再攞~~
再嚟個熱湯暖吓胃，中西湯各一。中式老火湯今日係粟米紅蘿蔔馬蹄煲豬骨，有半煲都係湯渣，用料十足，我飲左三碗，返到屋企都冇口渴，證明冇落「師傅」，好味!
長腳蟹腳都好鮮味，好多人攞，全晚不斷REFILL!
有青口、蝦，亦有蟹，但就欠缺生蠔。
屋企人一人擦左一碟蟹，話好好食，我怕食得麻煩，想搵個蟹蓋食得高雅啲，可惜今日啲蟹蓋唔夠多膏，我棄權。
龍蝦白酒啫喱，一件一小口，晶瑩通透顏色亮麗，用龍蝦高湯做啫喱，鮮味好出，必試~
千島汁龍蝦Pizza，睇左當食左就得，好飽肚咁。
日式咖喱牛面肉，牛味幾濃，夠軟腍。
燒西冷好食，肉色紅嫩，食落冇渣。
照燒意大利大菇，菇味特濃，同個汁好配!
巴馬臣芝士巨輪拌蟹肉龍蝦汁燴意大利飯，即製，材料有真蟹肉!
煮好仲要放入芝士巨輪度撈撈撈，點會唔好食。好食，但極飽肚之選!
用餐其間有個估芝士重量遊戲。六點時係22kg，估八點時剩返幾重，估中就送一張自助餐劵!
我地估19.5kg，點知磅到係19kg😭，飲恨!
甜品王既我，一開始就見到有即焗心太軟-我最喜愛既甜品。冷盤同熱盤都留力作戰甜品，我一個人就食左三個心太軟。每十分鐘出爐一次，每次只焗到八個，我就等足三次，不要說我太瘋顛。
流晒心
仲有唔少甜品都每樣食左啲︰
木糠布甸:
朱古力奶凍:
自製熱香餅:
Movenpick雪糕，梗係要配返個雪糕脆筒:
呢三款都好正咁，但真係飽飽了，下次再試!
餐飲有即磨咖啡、奶茶、檸茶、檸水，自己動動手~
呢度種類唔算多，但質素真係唔錯，而且價錢算平。屋企人主攻海鮮，我就主攻甜品，兩人都可以盡興而回。其實屋企人俾我食多好多，佢用長者價，真係超超超值!
張貼
