山旮旯 (已結業)

雖然都好支持黃色經濟圈，但有時候有啲 黃店真係唔好食嘅！ 今次呢一間黃店我真係覺得好食嘅！同埋佢喺某啲 app book係會有好大嘅折頭，其實佢本身都唔係貴，所以我覺得好抵！煙三文魚牛油果沙律。本身啲菜係有啲醬撈過嘅，唔係畀啲菜你就咁淋過汁上去，我覺得呢點唔錯，比較易食同味道均勻！呢一個係之前朋友食過見到相覺得好吸引嘅 bbq醬豬肋骨！ sauce唔算好濃味，但係係好食嘅，唔係好乾嘅！呢度啲薯條呢係比較似薯角嗰種味，但係好明顯係即炸，非常脆！仲嗌咗個西冷， 都好食嘅，但相對我覺得豬肋骨就係比較抵食，因為平時出去食ribs比較貴，呢間算係平。呢間嘢除咗西餐，仲有泰國菜，串燒， 或者係日本鰻魚咁，都幾多元化嘅。我哋就叫咗一個老乾媽炒牛柳粒意粉，好特別所以我哋先嗌，味道ok，唔係好辣。跟住呢一個就係泰式小食拼盤，圓形嗰個係蝦餅， 坐底長條嗰啲係炸過嘅豬頸肉，兩樣我都覺得勁好食，大推！呢間嘢我覺得會encore嘅，佢嘅位置比較偏僻，但係其實都好多人去，嗰晚見到枱枱都係有人book咗嘅。 同埋佢呢一度煮嘢食都幾快，雖然食物嘅種類好多，但係全部都係等好快就上菜。