拳王泰國餐廳 (已結業)

今晚同朋友到訪一間特式泰菜餐廳~以泰拳做主題~無論坐位、裝飾無一不是泰拳相關的~餐廳內更播著近期大熱女士MMA 比賽~朋友大病初癒，煎炸小食盡量避免~點了泰式串燒、青咖哩雞肉、蒜蓉包、泰式炒金邊粉~餐廳採用即點即制，所以要耐心等候~~一反傳統，青咖哩雞肉首先上台~青咖哩質地比較稀~ 不過入口香濃惹味~最驚喜選用雞胸肉做咖哩~係健康之舉~ 雞胸肉亦難得唔鞋口~配菜方面亦好多元化~四季豆、車厘茄、椰菜花、泰式茄子等~每樣都保持到蔬果應有的爽脆~ 絕對無煮過淋~好快，蒜蓉包都上台~~剛剛焗好就上台，夠熱夠脆！牛油蒜蓉落足料~ 自然就好味~~沾上咖哩汁更加滋味~唔駛幾分鐘，已經清哂5塊~串燒揀左豬肉Mix雞肉~豬肉比較爽口，類似豬頸肉的口感~而且腌料香味已經入哂豬肉~~唔沾沙嗲醬一樣美味~泰式炒金邊粉~以蛋皮包住金邊粉~猶如拆禮物一樣~切開蛋皮，見到十分足料~有4、5隻大蝦同其他配料~~拌入青檸汁、花生碎同吃~同泰國當地食到的，無咩分別~~鑊氣夠,材料足,味道有點酸甜~~