樂園素食

營業中

休息中

自從一次上網找自助餐時，知道這間素食自助餐，就和男朋友來了這裏不少於10次，因為不論環境整潔，舒適，店舖位置，食物的質素都很不錯。銅鑼灣d1出口附近，唔使2分鐘就行到，非常方便。去過咁多次都好少話要等好耐，因為座位夠多，最啱我和男朋友肚餓時又想食好啲健康啲嘅時候去。這間素食自助餐食款實在太多樣，近排食物款式仲多了素中式點心，尤其是香芋粉果好足料，薑汁紅棗糕口感軟韌，味道清甜。而沙律吧的沙律菜新鮮爽口乾淨，非常難得是有鷹嘴豆，紅腰豆，藜麥，還有多種沙律醬配搭，男朋友嚟呢度都會食返兩碟，是健康之選。仲有非常多款的炸物，味道多樣，各有不同，我最推薦的是綠茶餅，因為綠茶皮入面是香芋蓉。各款壽司，前菜也很不錯，每次嚟一定會食返幾舊。飲嘅方面有老火素湯，中式糖水，健康生津自家製飲品，亦有咖啡機。價錢也非常合理，一個自助午餐都是只需要一百幾蚊，是一間性價比高，又食得健康的自助餐廳。