水門雞飯 (蟾宮大廈)

營業中

休息中

水門雞髀飯味道同我喺泰國曼谷食嗰啲好似，啲雞好嫩好滑，而且唔算好多骨，加上雞肉唔鞋，所以口感好好。啲雞油飯好香雞油味，唔洗點醬汁都夠味。胡椒豬什粉超級香嘅胡椒味，湯底唔咸，所以胡椒味好出。炸過嘅豬油渣好香口，浸落湯，外軟內脆咁食好過癮，仲有豬膶，好爽。串燒嗌咗雞同牛。燒得好脆，同埋調味料都好香，肉都唔鞋。泰式腩仔超！級！脆！但又鎖到肉汁。再點埋特製醬，非常惹味。飲品食泰國嘢點少得泰奶！好滑嘅泰奶味，好甜，同泰國嘢真係好夾！另外仲嗌咗柑桔蜜解渴。