牛禪燒肉日本料理 (已結業)

太太生日，擇左幾間燒肉店，最後揀左牛禅。打去book位，接線果個好好禮貌。上到去，環境好舒服，座位間都有適當距離。坐底後，侍應好熱情，喪sell食貴野，好在本身都係諗住食$1980個拼盤，叫完後侍應又提意叫多個沙律，都幾煩，仲要係講唔鹹唔淡既廣東話，聽到耳都側埋。拼盤到左，有另一個正常既侍應教點用佢個爐。牛肉好味，唔同部份都試到，推介和牛牛舌，近江牛小扒，西冷，肉眼。以上推介既牛，油脂分佈好平均，亦有濃牛味。值得試一次。