影片
更多
2021-07-14
1364 瀏覽
因為有人請食飯嘅關係，所以第一次食到omakase! 要$2000蚊一個人頭再加一！首先前菜係胡麻醬蕃茄， 麥粒豆豉青瓜仔同鮟鱇魚肝。 唔知大家知唔知道，鮟鱇魚其實就係海底奇兵裏面嗰條成排大尖牙嘅魚呢？估唔到自己有一日居然係omakase食到佢喎 !跟住係刺身，個生蠔係北海道蠔，幾大隻，已經調咗味，所以覺得一啲都唔腥！👍🏻👍🏻 另外係劍魚腩、拖羅、牡丹蝦、金目鯛，全部都非常厚切，拖羅一件就係肥既，一件係冇咁肥， 可以一次過試到兩種！其中右上角金目鯛係燒過嘅，我覺得好好食！之後仲有一個熟食係汁煮赤魚鯛，但係因為太肚餓所以唔記得咗影相就食咗！壽司方面有喜之次、白蝦、石鯛、平盧魚，同埋馬糞海膽！ 餐廳話海膽係拍賣級，好creamy！仲想提下佢既豉油，係鰹魚豉油，所以見到有啲一粒粒嘅黑色既，因為已經調過味，唔會好死鹹！最後仲有個魚湯係非常濃！食落去簡直覺得可以用嚟做打邊爐嘅湯底，但佢強調係冇落味精， 只係落咗鹽、胡椒粉、薑等等去腥嘅啫！最後係冇甜品，但其實已經非常飽，就仲有少少水果為呢餐畫上句號 👏🏻
首先前菜係胡麻醬蕃茄， 麥粒豆豉青瓜仔同鮟鱇魚肝。 唔知大家知唔知道，鮟鱇魚其實就係海底奇兵裏面嗰條成排大尖牙嘅魚呢？估唔到自己有一日居然係omakase食到佢喎 !
跟住係刺身，個生蠔係北海道蠔，幾大隻，已經調咗味，所以覺得一啲都唔腥！👍🏻👍🏻 另外係劍魚腩、拖羅、牡丹蝦、金目鯛，全部都非常厚切，拖羅一件就係肥既，一件係冇咁肥， 可以一次過試到兩種！其中右上角金目鯛係燒過嘅，我覺得好好食！之後仲有一個熟食係汁煮赤魚鯛，但係因為太肚餓所以唔記得咗影相就食咗！
壽司方面有喜之次、白蝦、石鯛、平盧魚，同埋馬糞海膽！ 餐廳話海膽係拍賣級，好creamy！
仲想提下佢既豉油，係鰹魚豉油，所以見到有啲一粒粒嘅黑色既，因為已經調過味，唔會好死鹹！
最後仲有個魚湯係非常濃！食落去簡直覺得可以用嚟做打邊爐嘅湯底，但佢強調係冇落味精， 只係落咗鹽、胡椒粉、薑等等去腥嘅啫！
最後係冇甜品，但其實已經非常飽，就仲有少少水果為呢餐畫上句號 👏🏻
張貼
