班蘭葉印尼餐廳

營業中

休息中

中意食串燒嘅屋企人生日，睇左一輪最後就揀左呢間。舖頭細細，論坐就可能會無咁舒服好坐，但野食同服務絕對填補到呢一個問題。野食好香，我地叫齊雞牛羊都好好食。屋企人仲叫左菇同鱔，都讚不絕口。肉串燒方面，點醬同唔點醬有兩種風味，火候控制得非常好，香而不硬。好建議人開結唔好急住點醬，享受左佢地啲醃料嘅香料味，再去試香而不死辣嘅沙嗲醬黃豆餅有驚喜，燒嘅版本好咸香。但我更加中意爆辣版，有辣嘅刺激平衡返一口咬落一大舊豆蓉嘅微膩感。馬拉盞炒秋葵，成功令我呢個唔食菜嘅人都清左半碟去。飲品方面都有水準。個人非常推介佢地嘅沙冰，足料足量，可以當飲品同甜品。