竹串日本料理 (已結業)

呢度啲午市套餐真係幾抵食，有沙律，有頭盤，有餐湯，再加埋主食同甜點都係$68-$98!個鰻魚飯條鰻魚係原條上，個樣都幾震撼！個照燒醬係屬甜口，女仔應該比較鍾意！飯量亦唔算少，午餐剛剛好！而個串燒拼盤就有西京燒就有銀雪魚，松板豬，手羽先，翠玉瓜，秋葵，一口甜薯，翠玉瓜，亦都有配飯，份量盤唔錯，燒得亦幾香口。個頭盤夠晒鮮味，個麵豉湯亦都幾多料，算係值回票價。內堂日式木窗花裝修，仲有道好靚嘅門做點綴。地方都幾舒適。