影片
更多
2018-06-08
666 瀏覽
話說今日係傻妹豬自己既八歲生日仔 蕃薯仔就比左個小驚喜比傻妹豬 帶我黎蟹家呢到食大餐!! 回味一下兩年前大阪既味道先講一下店內環境先喇~店內環境都舒服,有足夠既空間自成一角傾下計可以既話可以選擇望到海景既窗邊位又或者想熱鬧d既 可以選擇鐵板燒旁邊嘅位置睇住大廚大顯身手 至於我地呢 我地就坐左四人卡位 都勉強望到大廚同海景 同埋張檯夠曬大可以一次過放曬d食物 滿足! 講下d食物先 我地叫左個套餐仔同埋散叫左4樣野~ 蟹蓋蒸蛋~ 蟹扒燒~ 三色蟹肉軍艦~ 同埋椰汁芒果特飲~ 個套餐總共有9樣野食嫁👀 炒雜菜炒 + 蟹棒 + 牛肉薄燒(5成熟)- 炒雜菜: 普普通通 唔會話有太大驚喜- 蟹捧: 都ok 好多肉 不過同蟹扒燒d蟹捧相比 就真係兩個level- 牛肉薄燒: 原來有d香口野係入面 輕輕炸過既蒜泥同埋生洋蔥 建議個牛肉可以叫7成熟 可以逼下香料既香味 同埋口感應該會再分明d- 三色醬汁: 食落似胡麻醬 西柚醬 同照燒汁, 個人幾欣賞個西柚醬 清新得黎好開胃 牛肉點呢個醬都幾match 簡直可以將成個牛肉薄燒既味道昇華鯛魚刺身- 本時食鯛魚 有時會覺得偏腥 但呢個真係清得黎好鮮甜 正燒
先講一下店內環境先喇~店內環境都舒服,有足夠既空間自成一角傾下計可以既話可以選擇望到海景既窗邊位又或者想熱鬧d既 可以選擇鐵板燒旁邊嘅位置睇住大廚大顯身手 至於我地呢 我地就坐左四人卡位 都勉強望到大廚同海景 同埋張檯夠曬大可以一次過放曬d食物 滿足!
講下d食物先 我地叫左個套餐仔同埋散叫左4樣野~ 蟹蓋蒸蛋~ 蟹扒燒~ 三色蟹肉軍艦~ 同埋椰汁芒果特飲~
個套餐總共有9樣野食嫁👀
炒雜菜炒 + 蟹棒 + 牛肉薄燒(5成熟)
- 炒雜菜: 普普通通 唔會話有太大驚喜
- 蟹捧: 都ok 好多肉 不過同蟹扒燒d蟹捧相比 就真係兩個level
- 牛肉薄燒: 原來有d香口野係入面 輕輕炸過既蒜泥同埋生洋蔥 建議個牛肉可以叫7成熟 可以逼下香料既香味 同埋口感應該會再分明d
- 三色醬汁: 食落似胡麻醬 西柚醬 同照燒汁, 個人幾欣賞個西柚醬 清新得黎好開胃 牛肉點呢個醬都幾match 簡直可以將成個牛肉薄燒既味道昇華
鯛魚刺身
- 本時食鯛魚 有時會覺得偏腥 但呢個真係清得黎好鮮甜 正
燒生蠔
- 自己生蠔自己燒 連埋d汁一齊放入口 原汁原味 好味!
銀雪魚西京燒
- 銀雪魚西京燒本身係我既至愛 雖然唔係話太大驚喜 但都好滿足 如果份量可以再多d就好喇
焗忌廉蟹蓋
- 本身d焗蟹蓋多數都係得個樣 但呢個真係幾好味 蟹肉新鮮 得黎同個醬都好夾 而且整體唔會太乾
蟹湯 + 蟹肉炒飯
- 蟹湯 um.. 就係蟹湯
- 炒飯既賣相雖然唔係話太吸引 以為會普普通通冇咩味 但食落都幾好味
蟹蓋蒸蛋
- 呢個蟹蓋蒸蛋 係蒸蛋上面有一層蟹籽制既汁再加上一小羹蟹膏簡直令成個蒸蛋昇華再昇華而且口感好豐富
蟹扒燒
- 呢個直係不得了 咪睇佢好似好簡單咁 但其實佢係簡單得黎真係食到蟹既鮮味同埋d配料吸收曬蟹既精華!! 同Set果個蟹腳簡直係冇得比!! 唔怪之得男朋友仔包話一定要嗌呢個喇 回味到而家呀
三色蟹肉軍艦
- 呢個軍艦真係好軍艦 大大件 睇餐牌幅圖 覺得呢個幾吸引覺得應該會好正 個三色有三文魚,蟹膏,同三文魚籽 但食落又好似冇想像中咁好味 扣分呀
椰汁芒果特飲
- 普普通通 都算okay 個味幾真 同埋覺得個汁可以再濃d
今餐真係好滿足!!蕃薯仔之前話過佢會帶我黎呢到食大餐,原來就係傻妹豬生日!!傻妹豬同傻蕃薯過左一個好開心又難忘既8歲生日
呀!!!!!!!!好掛住個蟹扒燒同蟹蓋蒸蛋呀!!
張貼
