影片
更多
2022-08-16
171 瀏覽
依間cafe係主打茶類既，飲品甜品都有好多款茶可以揀。首先要講係整體空間幾大，環境以白同木色為主，好闊落同乾淨，坐得好舒服，影相好靚。至於食物同飲品方面都好高質，店員亦好nice，真係搵唔到地方挑剔！😛岩茶牛奶 Rock Tea Latte $45 (hot) ✨岩茶係烏龍茶黎，茶同奶味好平衡，奶打得好滑，唔會甜，好好入口既一杯飲品，好飲😛。豆腐抹茶慕絲蛋糕 Tofu Matcha Mousse Cake $55 ✨圖一依個cake大家去到一定要食！佢係出面豆腐mousse入面有兩層抹茶蛋糕。首先！mousse既質地真係好似豆腐咁滑，豆腐味都夠哂，好好食🥰，入面既抹茶蛋糕茶味唔算好出，但整體都有100分好食。涷頂烏龍燕麥奶 Dong Ding Oolong Oat Milk Latte $55 (ice) ✨圖二依杯既茶味比起第一杯更加香濃，我中意飲茶就覺得岩岩好，唔會苦👴🏿。佢係用燕麥奶沖既，入口會比較清爽😛。另外佢既甜度都偏低，但又唔會低到飲到茶既苦澀味，我個人最推薦依一杯！💖玄米杏仁奶 Genmaicha Almond Milk Latte $55 (ice) ✨圖三好香既玄米味
依間cafe係主打茶類既，飲品甜品都有好多款茶可以揀。首先要講係整體空間幾大，環境以白同木色為主，好闊落同乾淨，坐得好舒服，影相好靚。
至於食物同飲品方面都好高質，店員亦好nice，真係搵唔到地方挑剔！😛
岩茶牛奶 Rock Tea Latte $45 (hot) ✨
岩茶係烏龍茶黎，茶同奶味好平衡，奶打得好滑，唔會甜，好好入口既一杯飲品，好飲😛。
豆腐抹茶慕絲蛋糕 Tofu Matcha Mousse Cake $55 ✨圖一
依個cake大家去到一定要食！佢係出面豆腐mousse入面有兩層抹茶蛋糕。首先！mousse既質地真係好似豆腐咁滑，豆腐味都夠哂，好好食🥰，入面既抹茶蛋糕茶味唔算好出，但整體都有100分好食。
涷頂烏龍燕麥奶 Dong Ding Oolong Oat Milk Latte $55 (ice) ✨圖二
依杯既茶味比起第一杯更加香濃，我中意飲茶就覺得岩岩好，唔會苦👴🏿。佢係用燕麥奶沖既，入口會比較清爽😛。另外佢既甜度都偏低，但又唔會低到飲到茶既苦澀味，我個人最推薦依一杯！💖
玄米杏仁奶 Genmaicha Almond Milk Latte $55 (ice) ✨圖三
好香既玄米味，奶泡上面有玄米粒，一齊飲幾有口感。玄米茶茶味好濃好突出，但因為杯野飲既甜度較低，cover唔到茶既苦澀，所以整體飲落比較苦。但係我自己都接受到，推薦中意飲濃茶既朋友仔😛。
烏龍茶bagel配核桃cream cheese 🥯 $52 ✨圖四
依個bagel好好食！茶味好香，質地好煙韌🥰！個cream cheese好香，加埋核桃更加香，配bagel食亦令佢更加有咬口，超級推薦😛。
大吉嶺紅茶白玉卷蛋 Lingia Tea Cake Roll $52 ✨圖五
佢有幾種茶味既卷蛋，今次揀咗紅茶，係好溫和既茶味，唔濃，蛋糕質地濕潤，cream幾滑，不過佢個白玉好軟好細舊，食完都唔知食咗啲咩，但唔計依樣係幾好食既卷蛋～
其實仲叫左一杯氮氣水果茶（$65），不過好普通，價錢亦偏貴，可以唔洗嗌～
張貼
