影片
更多
2016-12-26
488 瀏覽
位於銅鑼灣嘅登龍街依家真係變成一條美食街，無論係美食大廈定係地舖應有盡有。Cafe de Paris喺地下，就係我之前去Hungry Lobster嘅隔離，如果食完隔離晚餐諗住食返個甜品飲番杯野行過嚟20秒都唔使。裏面裝修好有公主風格，女仔就最鍾意！裏面嘅選擇唔多，甜品只有三款味道，不過飲品選擇就比較多，包括果汁、天然果茶和咖啡。唔算好肚餓，而且見到其他人嘅士多啤梨杯都大大杯，最後決定兩個人都係share一個芒果杯。芒果杯＄98前幾日見到咁多港女排隊，估唔到又真係幾好味，雖然芒果唔係「當做」季節但依然好甜，只有極少部份嘅芒果粒係有少少酸味，仲有啲cream又滑又甜，夠smooth！食過先知有幾正！話佢凍又唔會太凍，剛剛好。不過如果唔鍾意甜嘅話可能就會覺得一般，因為佢嗰種滑係要再用甜味來帶出。如果唔鍾意食甜嘅，其實連甜品都唔應該食啦⋯XD？加埋中間同底部冰凍芒果沙冰簡直一絕，芒果沙冰味道小淡帶甜香味。唔好一口食太多，如果唔係真係凍到傻咗@@食食吓，都唔好話唔飽⋯西柚汁＄58石榴汁＄58兩種都係鮮榨嘅果汁，放耐就好明顯見到表面有一層。西柚汁就係本身西柚嘅香味，味道偏酸可以中和到甜品。上面仲
位於銅鑼灣嘅登龍街依家真係變成一條美食街，無論係美食大廈定係地舖應有盡有。
Cafe de Paris喺地下，就係我之前去Hungry Lobster嘅隔離，如果食完隔離晚餐諗住食返個甜品飲番杯野行過嚟20秒都唔使。
裏面裝修好有公主風格，女仔就最鍾意！裏面嘅選擇唔多，甜品只有三款味道，不過飲品選擇就比較多，包括果汁、天然果茶和咖啡。
唔算好肚餓，而且見到其他人嘅士多啤梨杯都大大杯，最後決定兩個人都係share一個芒果杯。芒果杯＄98
前幾日見到咁多港女排隊，估唔到又真係幾好味，雖然芒果唔係「當做」季節但依然好甜，只有極少部份嘅芒果粒係有少少酸味，仲有啲cream又滑又甜，夠smooth！食過先知有幾正！話佢凍又唔會太凍，剛剛好。
不過如果唔鍾意甜嘅話可能就會覺得一般，因為佢嗰種滑係要再用甜味來帶出。如果唔鍾意食甜嘅，其實連甜品都唔應該食啦⋯XD？
加埋中間同底部冰凍芒果沙冰簡直一絕，芒果沙冰味道小淡帶甜香味。唔好一口食太多，如果唔係真係凍到傻咗@@食食吓，都唔好話唔飽⋯
西柚汁＄58石榴汁＄58
兩種都係鮮榨嘅果汁，放耐就好明顯見到表面有一層。
西柚汁就係本身西柚嘅香味，味道偏酸可以中和到甜品。上面仲有個西柚，直接食其實都幾酸，不過勝在好睇。
石榴汁天然嘅淡粉紅色深得我喜愛，因為無任何添加甜味所以係本身石榴嘅天然甜味，味道偏向清淡少甜，估計會比芒果汁更加少甜吧。
食下甜品，飲下天然果汁，都算係比較健康嘅甜品宵夜。
張貼
