影片
更多
2018-04-03
2129 瀏覽
近年，都比較中意係d靜靜地餐廳慶祝節日。節奏慢D 可以同朋友 慢慢飲杯酒傾下計 ☺️經朋友介紹 就來左呢間係銅鑼灣既西餐廳~呢度就主打fine dining 一個course一個course慢慢上叫左兩個SET DINNER 分別叫咗鵪鶉同牛🤤首先就上左餐包先 有自製嘅墨汁包，香草包配有三個醬，分別係香草茄子醬，辣肉腸南瓜醬同黑醋橄欖油。唔好睇小佢係餐包，夠鬆軟同香，仲有又脆又香既芝士脆脆。前菜有六隻生蠔😻waiter介紹都係來自法國既，當中包括左三款生蠔: Deesse,Ancelin Special同Gillardeau。係由淡至濃咁樣食嘅，肥美得來，海水味適中，Gillardeau則較爽脆。配上白酒，更加能帶出生蠔嘅鮮味而我就揀咗香檳(amore)嘅，亦都另外叫左要甜啲哈哈，味道peach得來有少少rose~好岩女仔飲另外仲有法國煙鴨胸牛油果酥皮塔，鴨胸鹹鹹地配上微甜嘅牛油果醬，食落有多重口感，酥皮亦十分出色！因為我唔太鍾意食蜆，本身係鑽石蜆配煙肉菠菜忌廉湯，我就走左蜆😆但係呢個配搭依然好好味，菠菜同忌廉味都啱啱好，吾會搶左對方，夠creamy之後仲有大大件鵝肝香煎法式鵝肝配蘋果
節奏慢D 可以同朋友 慢慢飲杯酒傾下計 ☺️
經朋友介紹 就來左呢間係銅鑼灣既西餐廳~
呢度就主打fine dining 一個course一個course慢慢上
叫左兩個SET DINNER 分別叫咗鵪鶉同牛🤤
首先就上左餐包先 有自製嘅墨汁包，香草包配有三個醬，分別係香草茄子醬，辣肉腸南瓜醬同黑醋橄欖油。唔好睇小佢係餐包，夠鬆軟同香，仲有又脆又香既芝士脆脆。
前菜有六隻生蠔😻waiter介紹都係來自法國既，當中包括左三款生蠔: Deesse,Ancelin Special同Gillardeau。係由淡至濃咁樣食嘅，肥美得來，海水味適中，Gillardeau則較爽脆。
配上白酒，更加能帶出生蠔嘅鮮味
而我就揀咗香檳(amore)嘅，亦都另外叫左要甜啲哈哈，味道peach得來有少少rose~好岩女仔飲
另外仲有法國煙鴨胸牛油果酥皮塔，鴨胸鹹鹹地配上微甜嘅牛油果醬，食落有多重口感，酥皮亦十分出色！
因為我唔太鍾意食蜆，本身係鑽石蜆配煙肉菠菜忌廉湯，我就走左蜆😆但係呢個配搭依然好好味，菠菜同忌廉味都啱啱好，吾會搶左對方，夠creamy
之後仲有大大件鵝肝香煎法式鵝肝配蘋果沙律~好厚身，配埋紅苺黑醋汁同脆面包食，好有幸福感
其實食到呢度已經飽飽地😂估唔到餐廳好窩心咁準備咗番石榴雪芭比我地清淸味蕾，好fresh~
食左咁多野終於到主菜，呢個係焗法國鵪鶉釀忌廉燴野菌，黑松露薯蓉配百里香燒汁$678
首先可以睇到鵪鶉表面燒得金黃，
(影得吾好🤦🏻♀️)肉質好滑嫩，熱辣辣得來而且多汁，真正既皮薄餡靚而且裏面仲有忌廉野菌，野菌味好重，而且又滑又爽口
另一主菜則是香草紅酒燒汁燴澳洲和牛面頰$628，配牛肝菌玉米糕，望落吾大不過食落就好留好飽。和牛面頰係比較痴身，牛味十分重同全熟既。相比之上，我個人比較中意前者，會清D~~
飲返杯茶 休息下 之後就上甜品啦
甜品有兩客，而呢一客就櫻桃乳酪芝士慕絲配金巴利啫喱，酸酸甜甜，yogurt咁樣餐廳亦都幫我地寫上祝福字句，仲好有心機幫我地影同送咗即影即有作為留念
呢個價錢喺銅鑼灣既fine dine 來講吾算貴，而且用料唔錯仲有咁多野食，情調浪漫，服務細心，CP值高！尤其推介來慶祝節日
張貼
