Green Waffle (已結業)

五月的第一天又是假期，去了誠品朝聖後，便去了一間朋友推薦的餐廳食lunch，餐廳叫Green Waffle，估計這裡主打食waffle，但餐廳提供的食物都好多元化，有意粉，鬆餅，英式早餐，手工咖啡仲有夏日新鮮果汁，多不勝數!!見到好多客人都會叫all day breakfast，我就叫左一個特別少少的墨西哥早餐，套餐有墨西哥餅，炒蛋和薯仔粒。墨西哥餅的口感幾煙靭，炒蛋內的材料好豐富，有洋蔥，德國腸，青椒和番茄.........夾埋薄餅食，口感一流，另外，配菜是炸的薯仔粒和酸忌廉，第一次食到，幾有特色!!!甜品梗係要試下餐廳的Waffle，叫了一客雜莓waffle，一上菜已經有一陣陣香甜的waffle味，食落有很濃的蛋香及牛奶味，配埋旁邊的綠茶雪糕，一冷一熱，感覺新鮮，waffle面上還鋪了少少的朱古力醬，不太甜，令waffle的味道更有層次，值得一試再試!!!