Greenhouse

營業中

休息中

用咗咁耐第一次寫食評，皆因今日老竇生日，老竇話要去銅鑼灣依間餐廳食生日飯，咁我見啲評價都唔錯，咁OK啦，阿媽book枱今晚去食。餐廳環境有啲暗，裝修靚唔靚就唔係好睇得到，咁我哋就被安排喺近門口嘅位置，侍應話冇咁嘈，我哋都覺得OK嘅。咁我哋就嗌嘢食啦，嗌咗兩碟串燒，一個彩虹藜麥沙律配蝦，一個羅勒芝士蕃茄pizza，一塊1三文魚扒，仲有個香蕉火焰焦糖燉蛋，咁串燒沙律同埋三文魚扒呢就冇影到相，串燒都正正常常，個沙律阿媽就好鍾意食，因為有生果，三文魚扒就鞋咗啲，又有啲乾，香蕉火焰焦糖燉蛋都幾好味，但係份量就有啲細。最抵死係嗰個Pizza，啲羅勒葉竟然可以小到有一塊pizza完全冇，另外個廚師唔知係咪唔記得咗落蕃茄醬，完全冇蕃茄味，冇羅勒葉同蕃茄醬我唔介意佢話我知，但都唔係咁樣玩鬼我，總之間野性價低，唔會再去。