ICE POP 分子雪糕專門店 (已結業)

一直想試試分子雪糕,所以,見到團購有半價現金勞,就買了兩張50蚊現金劵與家人試試。去到見到蛋糕的貌相不錯，所以，點了兩杯雪糕，一件蛋糕～一杯有兩球雪糕，可能我比較細食，覺得一個人食兩球有點太多，哈～在雪糕的味道方面，我們二人選擇了焦糖粟米和伯爵奶茶味，因為朱古力和綠茶味隨處都有，而這兩隻味比較少有。兩者比較之下，我覺得焦糖栗米味比較有驚喜同好味！佢有幾濃既奶味之餘，粟米的香味和焦糖的甜度亦適中！！食完有想再食既感覺～至於伯爵奶茶味雪糕，我覺得頭幾啖係覺得奶茶味幾香，但食多幾啖之後，會覺得味道太甜同太濃，唔太想繼續食。雖然，我本身都鍾意飲奶茶，但我食完之後，我覺得我會比較鍾意直接飲佢既伯爵奶茶。最後藍莓芝士蛋糕，我覺得佢個芝士味道同餅底都整得幾好，芝士濃到恰到好處。但佢上面既藍莓因為唔係新鮮既，而有果醬黎既，所以，令到成個蛋糕太甜，變得比較失色。總括黎講，依間餐廳原價的話就真係唔抵食，因為除左焦糖粟米味雪糕外，其他野既味道都唔係比其他地方食既出色好多，但價錢就差唔多，而且偏高。 但如果，再有團購半價的話，我都會去再食焦糖粟米味雪糕同試其他味道特別啲既蛋糕。佢話焦糖粟米味雪糕係好食既！