JOY LITM (已結業)

我帶左男朋友去銅鑼灣依間餐廳食甜品😝我揀左紅絲絨梳乎厘班戟，飲品就揀店員介紹既紅火龍果乳酪奶昔🥰男朋友就揀左MoMo白桃乳酪奶昔🥰咁個班戟因為即場製作，所以都需要等一陣紅絲絨梳乎厘班戟覺得好得意，係招牌黎架🥰賣相好吸引，可以比你親手抆開張紙好似流心咁流出黎，好似瀑布咁😍食落口好軟綿綿❤️仲食到空氣感😍好正🫶🏻不過價錢就偏貴😢而紅火龍果奶昔賣相好靚，好岩打卡，同個奶昔好夾味，紅火龍果就真係好清甜，仲食到粒粒果肉，而乳酪又無酸味，因為媽咪唔鍾意出面啲乳酪係酸既，但飲落去好似飲緊火龍果奶，好正😝😍而白桃乳酪奶昔又係好好飲，白桃味好出，唔會有酸味。所以我好欣賞依間店既乳酪❤️有機會會再試下其他班戟😍個環境都幾岩打卡，仲有唔同水果公仔比你打卡添😆店員都細心有禮，大家都不彷一試❤️