kikusan (已結業)

下午差唔多兩點九去到 ，好肚餓諗住即刻叫嘢食 ，但店員話要三點鐘先開始下午茶 。咁我就問唔要下午茶可唔可以而家叫嘢食，但原來都係唔得嘅 ，全部嘢都係要等到三點先開始點菜 ，可以坐住先同睇吓想食乜，但係唔可以叫嘢食住。仲有下午茶時間係冇人serve嘅，要自己出去點菜同埋出去拎嘢食，好似快餐店咁😌一到三點就出去點嘢食啦，我哋一行兩人點咗一個下午茶餐同1份卷。本來諗住食豬扒擔擔麵嘅因為好出名，但下午茶冇呢款主菜揀，如果散叫好似好唔抵，所以就叫咗日式清酒雞擔擔麵下午茶餐。主菜份量唔少，雞肉好嫩滑、酒味好清香，食完會想再食😋擔擔面麵質軟硬適中，湯底好香濃，連湯都飲埋😆餐飲柚子檸檬蜜 好味嘅到人氣爆燈嘅 Kikusan Roll, 以海膽嘅份量嚟講，$68都算物超所值。餐廳環境好舒適，坐好耐都唔會俾人趕走。百幾蚊嘅二人下午茶，好飽，好滿足，讚👍🏻如果下午茶時間都有人serve就更好