影片
更多
2017-07-03
4052 瀏覽
位於銅鑼灣登龍街嘅金朝陽中心二期，貴為新一代美食街， 匯集好多出名嘅食肆，其中包括米芝蓮推介食肆《Penthouse》。呢間《Penthouse》坐擁喺大廈嘅最高層， 可以俯覽銅鑼灣嘅景色， 而且又有180度無敵落地大玻璃，景觀非常開揚。餐廳裝修感覺相當時尚， 地下用特色階磚鋪砌， 亦有各款特色掛燈。一踏出𨋢門， 可以見到兩旁嘅吧枱座位，而且重設有vip房間， 可以俾一大班朋友開下party。一坐低， 就送上自家製嘅麵包，呢個自家製嘅麵包烤得非常香脆， 口感十分煙韌。 最為有特色嘅莫過於係自家製嘅pesto香草醬， 呢個青bb嘅香草醬味道非常清新，皆因落咗青檸汁同羅勒葉，用嚟搽麵包令人更加開胃。由於朋友尚未到齊， 就叫咗杯透心涼嘅Asahi啤酒，一邊食住麵包，一邊享受下輕鬆嘅氣氛。主菜方面叫咗【Spaghetti Red Prawns】$388， 呢個係《Penthouse》嘅特色手做意粉，意粉粗幼適中，口感煙韌彈牙。 由於意粉用上咗西班牙紅蝦，蝦膏溶入喺醬汁之中， 令整個意粉變成色彩鮮艷嘅鮮橙色， 令人食慾大增。 西班牙紅蝦肉質彈牙，而且味道鮮甜，加上用上少少辣椒去調味， 令到紅蝦意
呢間《Penthouse》坐擁喺大廈嘅最高層， 可以俯覽銅鑼灣嘅景色， 而且又有180度無敵落地大玻璃，景觀非常開揚。
餐廳裝修感覺相當時尚， 地下用特色階磚鋪砌， 亦有各款特色掛燈。一踏出𨋢門， 可以見到兩旁嘅吧枱座位，而且重設有vip房間， 可以俾一大班朋友開下party。
一坐低， 就送上自家製嘅麵包，呢個自家製嘅麵包烤得非常香脆， 口感十分煙韌。 最為有特色嘅莫過於係自家製嘅pesto香草醬， 呢個青bb嘅香草醬味道非常清新，皆因落咗青檸汁同羅勒葉，用嚟搽麵包令人更加開胃。
由於朋友尚未到齊， 就叫咗杯透心涼嘅Asahi啤酒，一邊食住麵包，一邊享受下輕鬆嘅氣氛。
主菜方面叫咗【Spaghetti Red Prawns】$388， 呢個係《Penthouse》嘅特色手做意粉，意粉粗幼適中，口感煙韌彈牙。 由於意粉用上咗西班牙紅蝦，蝦膏溶入喺醬汁之中， 令整個意粉變成色彩鮮艷嘅鮮橙色， 令人食慾大增。 西班牙紅蝦肉質彈牙，而且味道鮮甜，加上用上少少辣椒去調味， 令到紅蝦意粉味道更加吸引。 起初仲以為綠色嘅蔬菜係平淡無奇西蘭花， 原來餐廳用上特色嘅Romanesco， 呢種寶塔花菜外型相當特別，形狀有如一個個花塔餅， 喺香港實在較為少見。
第二樣主菜係【Slow-cook Akaroa King Salmon Steak】$398， 大廚用上咗紐西蘭嘅巨型三文魚， 三文魚扒非常厚肉，用咗慢煮嘅方法將三文魚煮熟，令到魚肉仍然可以保持有如魚生一樣嫩滑。 三文魚扒下面有用海鮮湯炆燉過嘅 Fregola，Fregola 其實係麵粉搓成嘅波波粒麵團， 口感同couscous相似，咬落煙煙靭靭，非常過癮。 而且由於用咗多種嘅海鮮去煮， 味道非常鮮味， 仲可以食到帶子粒同一梳梳的蟹肉添。
終於來到期待已久嘅【 Prime Rib-eye Steak 12 oz】$448， 牛扒雪花均勻、牛味濃郁，今晚就order咗個medium熟度， 以最佳嘅食法會一會呢就咁出名嘅牛。牛扒上面佈滿碳烤網紋，未食已經被焦香嘅外表所吸引，果然不出所料，一切開肉質呈現粉紅色， 肉質嫩滑不在講，而且肉汁豐富，牛味爆燈， 果然係美國牛扒中嘅名牌，不枉其名。 配菜方面仲有我最鍾意嘅焗原隻蒜頭， 經過烤焗嘅蒜頭味道帶甜， 配襯牛扒相當出色。
最後order咗一個甜品【Valrhona Jivara 40% milk chocolate 】$128，呢個甜品用咗出名嘅朱古力品牌， 朱古力味香濃，配埋酸may may嘅檸檬吉士汁， 作為餐後嘅甜品， 最為適合。 呢個甜品最特別嘅莫過於係伯爵茶分子雪糕， 分子雪糕有別於平時口感滑溜嘅雪糕， 而係咬落有脆卜卜嘅感覺，又不失牛奶嘅奶香，以及伯爵茶嘅氣味， 整體感覺非常特別。
如此出色嘅餐廳難怪得到米芝蓮車胎人推介，無論係慶祝生日，家庭聚會， 朋友聚餐都非常適合不過。
張貼
