Seoulmate (京都廣場) (已結業)

一講起韓國菜，就會諗起泡菜、牛骨湯、韓式烤肉、芝士豬肋骨等等，不過呢間新式嘅韓國小清新店舖，售賣嘅產品造型非常特別，一改我對韓國菜刻板傳統嘅印象。首先叫咗一杯棉花糖熱朱古力，一聽到呢個名，通常只係會諗起平時喺屋企即沖嘅朱古力粉，再加幾粒棉花糖飄下飄下。但呢杯飲品絕對有驚喜，上面嘅棉花糖好似雪糕咁坐喺杯上面，烤過表面，令到出面脆脆地，入面熱辣辣，呈半溶狀態。用匙羹一bud，仲會拉到絲，係我最鍾意嘅chewy質感！杯入面嘅熱朱古力味道都幾香濃幼滑。當然，唔係太食到甜嘅朋友一定會覺得呢杯飲品好膩好甜，但係棉花糖咁邪惡嘅嘢，間唔中甜一甜都幾好呀！之後叫咗一個芒果軟殼蟹pizza，雖然賣相平平無奇，但係冇諗過味道咁夾咁好食。香甜嘅芒果配上炸得酥脆嘅軟殼蟹，一甜一咸，沖擊味蕾！pizza係thin dough，薄薄脆脆，好快就食晒！最後叫咗一個甜品，叫做「荷蘭寶寶」，係以前食過一次之後都好少再食嘅Dutch pancake。一來香港唔係好多地方有得賣，二來呢個班戟俾人嘅感覺會有啲膩感。不過呢個班戟好在唔係太油膩，質感有少少彈牙，味道有甜甜嘅蛋香，加埋旁邊嘅花生醬同煉奶，真係超級超級極度邪惡！如果o