影片
更多
2023-08-13
165 瀏覽
香港生活左幾廿年，呢間算係體驗與食物同樣差！CP值勁低！一入去俾小食同幾片黑糖包，口感係靱既無香味，食左一啖就放低左😕環境係做開吧場，場內燈光昏暗，隻蠔根本睇唔到新唔新鮮！兩個人第一碟十隻蠔幾隻蝦幾隻螺，法國蠔係No.3.5既size唔3唔4好細隻好簿身（出面$100唔洗一打嗰啲），日本蠔叫做大隻少少，以為本身係creamy 啲，但食落去係臭既！感覺勁差，又勁多碎殼！(我太太後來話見佢好似無沖水直接俾客)蝦超細隻冰水味，急凍翡翠螺無處理過，入面係有沙同味係尿味！😡標榜任食蠔，蠔只講係日本同法國，但唔會同你講係邊個產地！話送一杯飲品，唔問唔話你知有咩飲，無drink list隨口噏當秘笈！意粉闊條麵係烚麵咁淋既，蜆肉意粉得一兩粒蜆肉，無味既，只求飽肚ok。其餘小食全部澱粉，年糕薯條薯餅咁，炸到油淋淋望你快啲飽。成間餐廳得兩個server(黑衫好少少紅衫hea啲反應冷淡), 好在成晚得兩枱客姐, 都要等佢處理完野食5-10分鐘先搵到佢幫你跟單落order😔成晚俾左一杯水無添過星期五至日仲要收多$38！不論你$388定$478附加費一樣！事前都唔會同你講，細字睇到係你好彩。我揀左$388，埋
一入去俾小食同幾片黑糖包，口感係靱既無香味，食左一啖就放低左😕
環境係做開吧場，場內燈光昏暗，隻蠔根本睇唔到新唔新鮮！兩個人第一碟十隻蠔幾隻蝦幾隻螺，法國蠔係No.3.5既size唔3唔4好細隻好簿身（出面$100唔洗一打嗰啲），日本蠔叫做大隻少少，以為本身係creamy 啲，但食落去係臭既！感覺勁差，又勁多碎殼！(我太太後來話見佢好似無沖水直接俾客)蝦超細隻冰水味，急凍翡翠螺無處理過，入面係有沙同味係尿味！😡
標榜任食蠔，蠔只講係日本同法國，但唔會同你講係邊個產地！
話送一杯飲品，唔問唔話你知有咩飲，無drink list隨口噏當秘笈！
意粉闊條麵係烚麵咁淋既，蜆肉意粉得一兩粒蜆肉，無味既，只求飽肚ok。
其餘小食全部澱粉，年糕薯條薯餅咁，炸到油淋淋望你快啲飽。
成間餐廳得兩個server(黑衫好少少紅衫hea啲反應冷淡), 好在成晚得兩枱客姐, 都要等佢處理完野食5-10分鐘先搵到佢幫你跟單落order😔成晚俾左一杯水無添過
星期五至日仲要收多$38！不論你$388定$478附加費一樣！事前都唔會同你講，細字睇到係你好彩。我揀左$388，埋單約$469食左垃圾落肚既感覺🫠🫠
如果嗰兩位只係員工的話，咁依個就係核心老闆既問題，貨源既問題，食材質素完全無競爭力！食番二百幾蚊放題會開心啲
張貼
