影片
更多
2012-07-08
183 瀏覽
次次過開LEE間店舖, 都成日見到長長排隊既人龍, 以往經驗得知係得兩個可能性, 一係勁抵食, 一係好味, 今日有緣去這間次次都過門不入既店舖一試, 得知其答案.牛涮鍋係一間任食火鍋店, 以任食日式火鍋為主打, 佢地有四類牛肉同豬肉可以選擇平既每人百幾蚊至貴既每人三百幾蚊都有. 如果只係集中猛食肥牛, LEE間店可以滿足食高級牛肉既慾望, 而且值回票價, 但是也就失去食火鍋既意了~唔知會唔會再去食, 難得一來, 叫個中上級既牛肉啦~ 叫左個和牛壽喜燒, 一試其味 (最可惜無安格斯肥牛選擇, 否則可以食自己啦今次 )每一次佢地都會一牒薄薄肥牛片咁上檯 (如果係最貴既頂級肥牛會用特色既盤子盛上) , 每次食完會有人問你需唔需要再添一牒, 其實咁做都唔錯, 起碼可以免去食物既浪費~開頭提供既鍋只係有壽喜燒汁既鍋, 其他配菜都要在外出BAR檯自己夾, 種類不多, 以任食火鍋來講算係小選擇! 不過可以任食肥牛先係最大關鍵~好老實講, 雖然今次係叫和牛, 不過同普通肥牛比係唔係好食點呢? 我沒其他肥牛去做AB TEST, 所以我唔知道係唔係特別好食, 所以只以食感評論~ (自己打邊爐時就試過貴牛同
牛涮鍋係一間任食火鍋店, 以任食日式火鍋為主打, 佢地有四類牛肉同豬肉可以選擇平既每人百幾蚊至貴既每人三百幾蚊都有. 如果只係集中猛食肥牛, LEE間店可以滿足食高級牛肉既慾望, 而且值回票價, 但是也就失去食火鍋既意了~
唔知會唔會再去食, 難得一來, 叫個中上級既牛肉啦~ 叫左個和牛壽喜燒, 一試其味 (最可惜無安格斯肥牛選擇, 否則可以食自己啦今次 )
每一次佢地都會一牒薄薄肥牛片咁上檯 (如果係最貴既頂級肥牛會用特色既盤子盛上) , 每次食完會有人問你需唔需要再添一牒, 其實咁做都唔錯, 起碼可以免去食物既浪費~
開頭提供既鍋只係有壽喜燒汁既鍋, 其他配菜都要在外出BAR檯自己夾, 種類不多, 以任食火鍋來講算係小選擇! 不過可以任食肥牛先係最大關鍵~
好老實講, 雖然今次係叫和牛, 不過同普通肥牛比係唔係好食點呢? 我沒其他肥牛去做AB TEST, 所以我唔知道係唔係特別好食, 所以只以食感評論~ (自己打邊爐時就試過貴牛同平牛, 味道真係有差別....)壽喜鍋汁濃郁既味道, 帶出了甜甜既口感, 將肥牛係壽喜鍋中涮幾涮就食得, 肥牛沾上了鍋的甜味, 好食!
如果係壽喜鍋佢會比隻雞蛋你沾一點蛋汁去伴吃.如果想要多隻, 每隻雞蛋要$10.....此刻在想....唔知可唔可以自帶雞蛋入場架呢?
佢地可能為左保持湯汁美味而用返原本既湯汁去加湯, 不過壽喜鍋汁在吸收左肉汁同翻煮之下會愈來愈濃結, 食物會愈來愈濃味, 如果你唔食濃味既野要應真留意小心因為太濃而令食慾大減. 或者可能佢地用返清水或者係淡湯來加湯會更好.
其他任食配料, 很配合其火鍋湯汁, 當中個人喜歡菠菜, 稻庭烏冬, 同豆腐, 極推介, 煮熟既菠菜甜甜的好入口, 稻庭烏冬同豆腐係外面被壽喜鍋汁染成荼色, 外面濃烈味道, 內裡保持豆腐同烏冬的清淡, 好味.
有好當然有唔好, 配料中以粟米來說是比較令人失望, 就算係煮了很久, 佢都係好乾身, 口感唔好, 唔豐滿, 除此之外其他東西, 如冬菇, 京蔥, 韮菜等等都好食, 但沒上面三個咁突罷了.
配料真係唔係好多, 我都差唔多講晒....食到差唔多夠時限哥刻D湯真係濃到七彩(雖然愈來愈濃都好好味). 走之前就來一D雪糕, 佢有四隻味道, 另外有其他TOPPING如彩粉, 朱古力同草莓糖漿. 鐘意靚靚既你可以玩下, 鐘意食既你都可以大大球咁帶回去, 兩種食法任你選~食得都算開心, 佢地既內裝都幾有STYLE同舒服, 又夠乾淨 (除左洗雪糕匙既水好似唔多換之外, 感覺算幾良好!
員工友善, 當你食完一牒之後, 會很有禮貌地問你需唔需要加多牒, 友善而專業. OK!
呢間店長年都有好多人排隊等位, 再加上位置不多, 所以要食佢都要比較有耐性, 不過食物美味, 會令你唔後悔長時間等待. 如果你係大食既猛食主要既肥牛既人, 其實佢地既價都算係抵食, 所以最開頭既問題, 成日見到長長排隊既人龍, 以往經驗得知係得兩個可能性, 一係勁抵食, 一係好味, 而呢簡店, 係兩樣都有.
張貼
