火鍋英雄 (已結業)

呢間火鍋店午市原來有做午市套餐，有午市客飯亦有麵餐，選擇好多我叫咗擔擔麵，朋友叫咗水煮牛肉麵同埋麻婆豆腐飯。麵餐包兩款前菜及飲品，已客飯套餐則包湯及菜。餐廳環境裝修得幾古典，好有中國風味幾靚。而且座位寬敞，坐得舒服，午時時間12點左右冇咩人，所以亦都唔會趕你走。先講擔擔麵擔擔麵真係好有驚喜真心覺得好好食麵質係我鍾意食嘅一種，有四川風味，而且湯底好濃辣味好香，但係又唔會超級辣，花生麻醬味道剛剛好，食完唔會太滯。 而且肉碎夠多，撈麵啱啱好所以呢個麵我覺得好好食前菜就有麻辣雲耳同埋麻辣青瓜，呢個我覺得都幾辣可能我唔係食得好辣。朋友食水煮牛肉麵，佢話辣得好過癮，好好食不過真係好辣，食到出曬汗麻婆豆腐飯我都試咗，我覺得個辣辣得好特別。同普通一般嘅麻婆豆腐唔同，不過都係偏辣。豆腐好滑，夾埋啲汁撈飯簡直一流 客飯套餐碟菜都唔少，份量非常正常合理。而且湯係有啲似肉骨茶，味道香濃都幾好飲叫咗生薑蜜，以為真係沖好咗，但係好搞笑，佢係用茶包嘅薑茶沖，然後自己加蜜糖午市套餐幾抵食，麵餐六十幾，客飯餐七十幾再加一。食物質素高環境坐得好，推介