Hungry Monkey (海之戀商場) (已結業)

放工最喜歡就係四圍去搵食，今晚同朋友去了這間超正嘅餐廳，本身行完街日本超市入埋貨，一袋二袋，當然要盡快入去搵食，餐牌內有不同食物選擇之外，頭頂還有餐廳推介，望了一陣就點了芥末紫蘇章魚，章魚軟熟入味之餘還加上帶點芥末味道，入口帶點刺激，十分欣賞！這個是見到旁邊有一點了，賣相成分禮物包包住了用清酒煮蜆，廚師在鐵板上燒煮，一ok 就上枱，一袋禮物似的，食之前要將包住嘅絲帶除下，蜆肉鮮甜彈牙之餘還有陣陣清酒味道，入口肉質鮮味彈牙，還有陣陣酒香！今晚主角就係猩猩推介嘅澳洲龍蝦，見住廚師從個魚缸抽出一隻活生生嘅龍蝦開邊，再放在鐵板上煎，龍蝦肉上還加埋海膽醬，首先夠晒大隻，真係啖啖肉，入口十分鮮味彈牙，還有香濃嘅海膽醬味道，真係十分好味！加埋A5和牛坑腩炒飯，就真係十分滿足，本身個炒飯都係師傅在鐵板上炒，加埋用上A5和牛坑腩去炒，飯身超香，入口亦十分彈牙煙靭，配埋軟林牛坑腩入口，今晚嘅選擇絕對正確！而飲品就點了Double Mui，個名夠吸引，巨乳黑莓入口冰凍涼快，還有巨風提子味道，所以十分醒神！