鮮薈海鮮吧 (已結業)

餐廳大門口貼左新餐單, 主要得一種, 就係海鮮飯。有樓上半露天既座位, 天氣凍左好多, 餐廳就加左個暖爐, 咁就好唔同啦。自選3個餸, 配4選1既汁, 以鐵板形式上既飯。3個餸當中可選1個8蚊餸, 2個16蚊餸。如果唔夠, 仲可以加錢再加料。4個汁入面有一個係海鮮湯, 當係湯飯咁食既, 職員好細心咁講解。海鮮湯, 甘筍, 三文魚, 蜆肉海鮮湯胡椒味濃, 飲到最尾, 碗底有好多黑胡椒。甘筍好爽口, 新鮮 GOOD!!!三文魚就有少少特別, 唔係全熟, 又唔係魚生咁, 而係輕輕燒一燒三文魚邊, 一半熟一半唔熟咁。加埋個鐵板就撈一撈, 就熟晒啦, 又唔會過熟, 又幾好WOO蜆就普通咁啦, 算唔上鮮甜, 但起碼唔會有沙加埋個海鮮湯~ 成個就係海鮮湯飯喇 HAHA, 整體都幾好架 鐵板飯咁題外話啦, 如果真係想吸引到多D食客, 得一個自選飯其實係唔夠既, 加一D SET LUNCH, 海鮮意粉之類, 加海鮮湯, 總好過得一種啦。