饗11 (已結業)

生日月特別多飯局。今晚去食我最喜歡嘅鐵板燒。首先出場嘅係廚師精選沙律，酸咪醋汁好開胃。三款刺身：鮮嫰帶子， 入口溶化嘅拖羅和肥美油甘魚。茶碗蒸非常滑溜。法國鵝肝煎得外脆內軟，綿滑香濃，入口即化感覺。忌廉汁鱈魚忌廉汁採用了雞湯和蔬菜餚製而成，鱈魚融入了忌廉汁內，入味十足。白松貝名字好美，原來係日本象拔蚌。先嚐原味，那鮮味盡顯。再蘸少許醬汁或檸檬汁，味道變化得多姿多彩。日本A4黑毛和牛薄燒和牛油花分布平均。將和牛包裹着蔥花，炸蒜片，再煎成香脆外表，內𥚃滲出脂香，好味到欲罷不能。最後係樱花蝦炒飯，炒得粒粒分明，配料十足，好味！