北海道食堂 (已結業)

沙田嘅北海道食堂之前食過晚餐，今日經過嘅時候竟然見到佢出咗放題，價錢都適中，仲包埋鐵板燒物，所以心郁郁入咗去試😳😳咪講笑，晚上7點：30左右，入到去餐廳已經坐滿8成，睇嚟應該都唔錯，哈哈😆放題有幾款形式俾你選擇，有特上放題、極上放題同極盛放題，我哋就揀咗極上放題$268，都可以食齊壽司、刺身、鐵板燒、炸物、串燒、料理、火鍋同沙律，當然飲品都係任飲啦✌🏻重點係絕對冇拖晚上菜嘅速度，亦少有漏單嘅情況雖然每款對比出面嘅放題就唔算太多選擇，但每樣都幾出色好味！刺身都切得適中、厚實，唔會太薄，識開嘅三文魚、油甘魚、帶子、八爪魚等刺身一定有，而比較少見嘅白玉豚刺身都好正😳手卷方面雖然得兩三款選擇，但佢嘅香芒鵝肝手卷出奇地咁好味，哈哈，每一啖都有鵝肝喺入邊，好爽😄而主打嘅鐵板燒物就一定要叫廣島蠔同鵝肝，食多幾轉感覺已經返本了🤣🤣咪講笑，我哋前前後後都叫咗四五轉😆再嚟串燒就要食牛舌、鳅刀鱼同燒雞翼，呢三款食完我已經立刻落第二轉😍嘢飲都算多選擇，烏龍茶啊韓式飲品啦可樂啊都齊晒，包有一款啱心水！食完今餐要努力減肥啦😜