越旺 (已結業)

夜晚來到﹐食客唔係好多。 想入店內時企係佢地道自動門前﹐點知道門冇反應。行前試又唔開﹐行後試又唔開。最終d店員要係裡面行埋道自動們先開。當食緊果時都見到道自動們感應唔到出便企係門前想入來既人。 老婆叫左牛腩粉﹐本人就要熟牛肉牛腩牛筋粉(兩個都加底)。老婆同本人喜歡食香葉﹐但覺得呢間落既各種香葉唔及登龍街果兩間香。可能因呢度冇parsley既關係。粉既份量雖然加左底﹐但亦比出面既普通size少。唔怪得知呢道寫明加底唔加錢啦﹐原來加底都係比出面少。食食下只見辣椒醬﹐一問之下先得知呢度冇辣椒油供應。佢地亦“騎呢”地用鐵製既筷子﹐鐵傳熱快﹐食食下就會比d湯浸到滾晒既鐵筷子燙到口脣同舌頭。 服務亦唔係好得﹐d仕應成日係店後既廚房位唔知攪乜。攪到我地坐係店前近門口位想叫人都見唔到d仕應去晒邊。試過呢次都諗唔到呢度有咩會令我地再來幫襯既原因。