影片
更多
2017-08-05
65 瀏覽
我同阿媽都係都甜酸愛好者，屋企附近開左間新既越南餐廳，所以我地就去試下，又唔錯喎！睇左睇menu, 價錢合理，係出面睇入去，有少少似速食店，但都有卡位坐，環境都幾舒服，乾淨企理。越男仔既飲品賣相幾特別，我地叫左一杯利賓納青檸蘇打同埋薄荷龍眼冰，雖然只係利賓納加蘇打，但影相幾靚。薄荷龍眼冰用左薄荷味精同薄荷葉，幾重薄荷味但就冇咩龍眼味，我黎個龍眼冰迷係有小小要求加啦～我同阿媽係大胃王，叫左兩個主食加上四個小食。一個係推介既手撕雞扎肉椰汁酸湯湯檬粉$55，湯幾濃郁又有椰香味，手撕雞肉都好入味，份量都幾大，黎個價錢真係抵！阿媽就叫左個越南火車頭河粉$69，料都好足！牛腩、牛肉、牛根都好好多，麵份量一樣大。個湯先係戲肉，飲得出係用牛肉煮出黎，好甜，好香濃牛肉味。我地仲叫左四個小食，第一個小食係招牌原隻軟殼蟹$69，原隻上好得意，岩岩炸好熱辣辣，加埋炸好既香蒜同辣椒絲，又香又脆。而且肉都幾厚，入面既肉唔好炸到又乾又鞋，外脆內軟就係咁解啦～第二個係越南蝦餅＄25，已經有四件。價錢咁抵忍唔住又叫左，有小小燶賣相唔算好靚，但仔細食食得到係蝦肉，而且好彈牙。食到太濟，可以食碟邊既酸蘿蔔絲，繼續再戰，哈哈
我同阿媽都係都甜酸愛好者，屋企附近開左間新既越南餐廳，所以我地就去試下，又唔錯喎！睇左睇menu, 價錢合理，係出面睇入去，有少少似速食店，但都有卡位坐，環境都幾舒服，乾淨企理。
越男仔既飲品賣相幾特別，我地叫左一杯利賓納青檸蘇打同埋薄荷龍眼冰，雖然只係利賓納加蘇打，但影相幾靚。薄荷龍眼冰用左薄荷味精同薄荷葉，幾重薄荷味但就冇咩龍眼味，我黎個龍眼冰迷係有小小要求加啦～
我同阿媽係大胃王，叫左兩個主食加上四個小食。一個係推介既手撕雞扎肉椰汁酸湯湯檬粉$55，湯幾濃郁又有椰香味，手撕雞肉都好入味，份量都幾大，黎個價錢真係抵！
阿媽就叫左個越南火車頭河粉$69，料都好足！牛腩、牛肉、牛根都好好多，麵份量一樣大。個湯先係戲肉，飲得出係用牛肉煮出黎，好甜，好香濃牛肉味。
我地仲叫左四個小食，第一個小食係招牌原隻軟殼蟹$69，原隻上好得意，岩岩炸好熱辣辣，加埋炸好既香蒜同辣椒絲，又香又脆。而且肉都幾厚，入面既肉唔好炸到又乾又鞋，外脆內軟就係咁解啦～
第二個係越南蝦餅＄25，已經有四件。價錢咁抵忍唔住又叫左，有小小燶賣相唔算好靚，但仔細食食得到係蝦肉，而且好彈牙。食到太濟，可以食碟邊既酸蘿蔔絲，繼續再戰，哈哈！
我地仲叫左素春卷同蒜蓉包, 春卷一樣岩岩炸好，入面放左各種蔬菜絲，入面仲放左粉絲，口感好特別，都係$12蚊咋～蒜蓉包就正正常常，不過如果麵包可以烤脆D會更好食。
銅鑼灣有間性價比咁高既越南餐廳好快就會變成我屋企既飯堂啦～
張貼
