麻辣風雲 (京都廣場) (已結業)

星期五約姊妹食飯，放工去銅鑼灣駱克道491-499號京都廣場5樓的麻辣風雲食四川菜，2個女仔又食唔到好多野，就叫2道菜加野飲！菊花蜜 ＄48好香的菊花味，用酒壼上，再配埋個酒碟飲，好有風味成件事好豪氣呀！自選干鍋的底料已經有蓮藕片、椰菜花、萵荀和京蔥，再自選最少五款配料，我地揀左肥牛，豬肚，魚腐，蓮藕，鮑魚和魚卜有四種口味可選，有蔥爆、重蒜、香辣和麻辣，辣度亦可按自己接受程度選擇。我地揀左麻辣，個鍋勁香麻辣味，今次叫左中辣，因為之前叫左小辣，但覺得一般，所以試下中辣，但又辣得滯😂。一路食一路話辣，但又停唔到口係咁食。椒鹽魷魚鬚$148 魷魚鬚即叫即炸的，所以好新鮮，上枱熱辣辣。椒魚灑上椒鹽和蒜粒，香脆可又夠味。