宏發燒臘飯店 (已結業)

今日一個人係銅鑼灣行街做個毒自宅女，點知乜收獲都無，真係喊出嚟。咁好啦，野買唔到，飯都係要食嘅！有時我都覺得自幾傳統咖，會中意食下中式野，今晚就食個高級燒味放縱下啦～宏發燒臘就係銅鑼灣嘅後街，近住c出口！係呢個旺期有間燒味店其實都幾出眾～一個人食就食豪啲，見佢雙拼都一樣價，就要咗燒鵝燒腩骨瀨粉，試多款丫麻！份量都幾十足咖，兩款燒味都有好多件下。先講燒鵝，肉唔肥，唔韌亦都。帶有濃濃嘅油香，皮燒得好有火喉！燒鵝嘅汁仲沾咗落個粉到，令粉都有啖啖嘅燒鵝油香。而燒腩骨同樣係呢到嘅招牌之一呀！燒腩皮好脆，肉嫩味香。味道唔會好鹹，而且都唔會燒得過乾，肥瘦仲好適中。瀨粉係我細個好中意食嘅一種粉麵，多數都唔係咁易食到。粉軟硬適中，吸咗燒味嘅味道好入味。配上幾條菜，中和翻啲肥膩嘅感覺！仲叫咗杯凍朱古力，食燒味有得飲，感覺都幾新鮮xd雖然稱唔上係平同抵，但係銅鑼灣嘅旺區，可以食到有水準嘅燒味都好難得喔！